Flash News

Analiza / Serbia, “neutrale në anën e Lindjes”

Shisnin online monedha floriri dhe fshihnin të ardhurat, arrestohen babë e bir në Tiranë

Kallëzimi i Metës ndaj Autoritetit të Dosjeve, Apeli lë në fuqi vendimin për nisjen e hetimeve

Apeli i GJKKO lë në fuqi masën e sigurisë për Fredi Belerin

Qeveria “hap” thesin, shpërblim mujor për çdo anëtar të Akademisë së Shkencave

Ditari i Opozitës

"Beteja për kryetar Bashkie", Vokshi përkrah Këlliçin: Ia ka dalë gjithnjë të fitojë, edhe pse përballë ka makinerinë e shtetit

Politiko 25 Mars 2023, 10:10

"Beteja për kryetar Bashkie", Vokshi përkrah

Deputetja demokrate  Albana Vokshi, gjatë një takimi që po zhvillohet këtë të shtunë me kandidatin e koalicionit “Bashkë Fitojmë” për Bashkinë Tiranë, Belind Këlliçin dhe të rinjtë e FRPD, ka bërë thirrje për mbështetje ndaj ish-deputetit.

Ajo u shpreh se ai është një i ri që pranon sfidat dhe që ia del gjithnjë.

“Demokracia nuk është traditë, është ngritje zëri, aksion, veprim, e kush më mirë se ju të rinjtë mund ta bëjnë këtë. Sidomos sot, sepse jeni ju që me energjinë tuaj, mund të luftoni këtë monizëm që Rama ka vendosur.

Jam e bindur se Këlliçi do e fitojë bashkinë, sepse ka fituar të gjitha garat. Ka pasur një rezultat të shkëlqyer në fushatën zgjedhore 2021, ku pati një diferencë votash edhe mes nesh, fitoi në garat për Këshillin Kombëtar, dhe tashmë mund të rrinte fare mirë deri në 2025 si deputet, por ai vendosi të lërë mandatin e deputetit dhe të t’i hyjë një gare të vështirë”, shprehet Vokshi.

Sipas saj Këlliçi do të dalë triumfues në këto zgjedhje, edhe pse përballë ka një “makineri të tërë shtet”.

“Përballja në këtë garë nuk është e lehtë, sepse nuk ka përballë një kandidat, por një makineri të tërë shtet. Ka një kandidat që mbahet nga bandat, që duhet të ishte para drejtësisë. Por jam e sigurt që ai me mbështetjen tuaj do ia dalë. Ju ftoj të bëhemi bashkë, sepse bashkë fitojmë”, u shpreh ajo.

Të fundit