A i frikësohet Veliajt, Spiropalit, Manastirliut? Këlliçi për Politiko: E lehtë, kam përball një grup kriminal

Partia Demokratike dhe Partia Socialiste kanë publikuar disa ditë më parë listën e drejtuesve politik për 12 qarqet e vendit. Teksa përballjet midis krahëve politike janë të ndryshme, ajo që ra më shumë në sy është beteja për Tiranën.

I përzgjedhuri i demokratëve, Belind Këlliçi do të përballet me tre socialistët, Erion Veliajn, Elisa Spiropalin dhe Ogerta Manastirliun, një risi kjo përsa i përket përzgjedhjeve të Partisë Socialiste për këtë qark.

Këlliçi është pyetur nga Politiko sesi ju duk lista e paraqitur nga Partia Socialiste për drejtuesit politikë për 12 qarqet.

Në përgjigje i përzgjedhuri i demokratëve, është shprehur se: Lista edhe drejtuesve politikë partisë socialiste nuk përbënte asnjë risi sepse tashmë çdo qytetar shqiptari e di që kemi përballë një grup i strukturuar kriminal që në krye përbëhet nga kryeministrit.

Dhe pak rëndësi ka se kush janë anëtarët e bandës, e rëndësishme është që nga e njëjta çorbë që gatuhet kryeministri zgjedh se kë do në moment  të fundit dhe pak rëndësi ka më në partinë socialiste meritokracia, eksperienca politike, karriera, performanca në punë sepse këto nuk janë më njësi matëse të karrierës në PS , por njësi matëse janë dëshira momentale apo vendimmarrjet momentale të kryeministrit .

Parë në këtë këndvështrim lista e drejtuesve politik të Partisë Socialiste është një listë dëshpërimi është një listë e mbushur me njerëz që kanë probleme të theksuara në drejtësi, është një listë e mbushur me zyrtarë të korruptuar që janë të rritur në SPAK një nga një.

 Dhe këtë listë e kryeson sigurisht treshja që ka vendosur Edi Rama në Tiranë. Kryehajduti i Tiranës, kreu i grupit strukturën kriminal, 5D dhe pronari faktik i inceneratorit të Tiranës Erion Veliaj, zonja ose madam i pesë milion euro i doganave Elisa Spiropali dhe simboli i vdekjeve të covid-19, Ogerta Manastirliu.”

Po ashtu Politiko e ka pyetur për betejën në Tiranë, ku ai do të jetë përballë me Erion Veliaj, Elisa Spiropali dhe Ogerta Manastirliu.

I pyetur nëse do i vështirësohet gara pasi është përballë me tre personazhe, Këlliçi është shprehur se kjo e bën dhe me të lehtë garën pasi ka përballë figura të urryera nga qytetarët.

“Përkundrazi, fakti që janë këto tre personazhe në garën për Tiranën e bën betejën dhe më të lehtë. Mos harroni që duke pasur një figurë të urryer tashmë si Erion Veliaj, një pronar të deklaruar faktikë të aferës së incenratorit të Tiranës, që u ka kushtuar deri tani qytetarëve 182 milion euro sigurisht nuk ka qytetarë që nuk e di tashmë që në krye të bashkisë kemi të bëjmë me një hajdut.

Një hajdut që nuk ka lënë mekanizëm pa përdorur për të mbrojtur veten dhe aferat e tij.

Dhe mos harroni që vetëm pak muajin parë ky hajdut që quhet Erion Veliaj u paraqit në SPAK, për një seancë pyetjesh mbi shtatë orë  dhe në mënyrën më të turpshme e  qesharake doli duke thënë se kishte takuar kolegët e tij që paguhen me buxhetin e partisë socialiste dhe kishte gjetur një organizatë të mirë strukturuar në punë dhe që kishte shkuar aty për ti ardhur në ndihmë kolegët.

Bollë kjo tregon sesa personazh qesharak, komik është Erion Veliaj dhe shumë shpejtë jam i bindur që do të paraqitet parë drejtësisë, me hir apo me pahir.

Po të shkojmë tek Elisa Spiropali  nuk ka shqiptar që nuk e di që gjatë 4 viteve të para rekordin e vjedhjeve në administratën e Edi Ramës e mban Spiropali si drejtoreshë e doganave. Por mbi të gjitha lidhjet e saj me inceneratorin janë shumë të forta.

Për faktin që bashkëshorti i saj i ka dhënë gjatë kohës që ka qenë drejtori ujësjellësit, i ka dhënë tendera disa tendera Klodian Zotos, dhe në bashkinë e fierit ka marrë disa tendera zotëria në fjalë me ndikimi të drejtpërdrejtë të familjes Spiropali dhe më pas lidhjet e bashkëshortes së saj me Stela Gugallen administratores dhe pronarit të inceneratorin të Elbasanit, që është dhe bashkëshortja e  Mirel Martirit janë të ditura botërisht. Kështu që edhe Elisa padiskutim nuk mund të ndahet nga anëtarët e këtij grupit strukturuar kriminal.

Për ta përmbyllur me Ogerta Manastirliun që që vetëm në muajin shkurt mos gaboj të këtij viti është paraqitur për disa orë në SPAK për tu pyetur për aferën e sterilizimit dhe që është në një betejë shumë të egër brenda partisë socialiste me ish ministrin Ilir Beqajn përsa i përket  bashkimit apo jo në qeli me Ilir Beqajn apo lënies së saj si  individë të dhe vazhdimit të karrierës së saj politike.

Mua pak intereson kjo gjë, e rëndësishme është që përballë kam tre hajdutë të certifikuar zyrtarisht nga spaku dhe të njohur para gjithë shqiptarëve të tillë.”

 

Pergatiti: Neta Fero