Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Binaj kandidat për Tiranën, Lela: Rama duhet të futet në fushatë për të rregulluar disbalancën

Politiko 7 Tetor 2025, 15:35

Binaj kandidat për Tiranën, Lela: Rama duhet të futet në

Drejtori i Komunikimit në PD, Alfred Lela, tha se kandidatura e Florjan Binajt për Tiranën pritet vetëm për t’u zyrtarizuar.

Në një intervistë për Syri Tv, Lela tha Binaj është një figurë e angazhuar në kauza të ndryshme qytetare, e cila opozitës dhe PD-së i ka munguar dhe e ka kërkuar.

Sipas Lelës, Binaj në të gjitha aspektet është një performator shumë më i mirë se kandidatja e e socialistëve, Ogerta Manastirliu.

Ndër të tjera, Lela theksoi se Rama duhet të futet në fushatë për të rregulluar disbalancën që do krijojë Binaj me Manastirliun.

“Florjan Binaj mbetet për t’u zyrtarizuar, në dukje e thelb është një procedurë. Ka marrë mbështetjen e opozitës, por edhe krerëve më të vegjël. Binaj përfaqëson një kandidat që opozita e ka kërkuar dhe i ka munguar. Për profilin e tij publik e të angazhimit, është i njohu, s’ka nevojë për prezantim, një dilemë për kandidaturat me gara të tilla. Një avokat, mbrojtës i kauzave në terren e qytet.

Florjan Binaj është figura më atipik që ka ofruar opozita, si shenjë të hapjes, rinimit dhe urbanizimit të opozitës. Sfidë se si ky eksperiment do të takohet me nevojat e publikut, i ka shprehur në shumë mënyra.

Ky duhet të jetë ai që duhet të udhëheqë të gjitha ata që kanë pasur pëlqimin për një kandidat. Është kandidat i mirë dhe i bën nder, s’e turpëron aspak opozitën. Është një shtrirje në qytet. PD-opozita duhet të shtrihet në qytet, të mos e shohë nga frengjijtë e partisë së vet, është një vështrim fragmentar dhe jo i plotë dhe më i gjerë që është gara politike. Binajn ta ndihmojnë dhe të mos nxjerrim sëmbime personale në sheshe publike.

E para s’ka pasur kohë, s’është luks që PD e opozita e ka. Kjo të kushtëzon disa herë, madje dhe te profili. S’mund të shpallësh një kandidat që nuk njihet ‘botërisht’ në politikë e Tiranë. Binaj e plotëson, më i njohuri nga ata që u paraqitën, i angazhuar publikisht në dekada. E sfumonte kërkesën e kohës.

PD do të zgjedhë në 3 fasha, një njeri politik, të qytetit, të njohur, ose dikë që e pranon dhe opozita. Mendoj se janë plotësuar dy kriteret e dyta. S’mund të jenë të gjithë dakord në unanimitet. Kritika duhet të shtrihet në rrafshe të tjera.

Binaj është në të gjitha aspektet, performator shumë më i mirë se kandidatja e qeverisë. Do i duhet Ramës të futet në fushatë për të rregulluar disbalancën që do krijojë Binaj me Manastirliun. Do jetë më shumë një sfidë Rama-Binaj”, tha Lela.