Flash News

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

Aksioni i IKM-së në Theth, banorët dalin në protestë

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

Ditari i Opozitës

BIRN: Drejtuesit e Partisë Demokratike procedohen për protestën e 7 tetorit

Politiko 8 Tetor 2024, 14:46

BIRN: Drejtuesit e Partisë Demokratike procedohen për protestën e

Drejtoria e Policisë së Tiranës njoftoi të martën se kishte arrestuar një protestues 57-vjeçar si dhe kishte referuar në Prokurori tre drejtuesit e Partisë Demokratike, Flamur Noka, Gazmend Bardhi dhe Ervin Minarolli pas protestës së zhvilluar mbrëmjen e së hënës, ku një sërë institucionesh publike u goditën me molotov dhe me sende të tjera të forta.

Sipas njoftimit të policisë, Noka, Bardhi dhe Minarolli po procedohen në gjendje të lirë për veprën penale “organizim dhe pjesmarrje në grumbullime dhe manifestime të paligjshme”, ndërsa protestuesi 57-vjeçar u arrestua për goditjen e punonjësve të policisë dhe shkatërrimin e pronës me zjarr.

Policia njoftoi gjithashtu se kishte nisur procedime në gjendje të lirë edhe ndaj tre protestuesve të tjerë, një 31-vjeçar dhe dy shtetas të mitur, të cilët akuzohen për prishje të rendit dhe qetësisë publike, shkatërrim të pronës dhe kundërshtim të punonjësve të policisë.

“Si pasojë e sulmeve me sende të forta, lëndë piroteknike dhe bomba molotov, mbi punonjësit e Policisë dhe godinat e institucioneve shtetërore, janë dëmtuar 10 punonjës policie, nga të cilët 7 pas ndihmës mjekësore u larguan në banesë, ndërsa 3 të tjerët po trajtohen në spital dhe janë jashtë rezikut për jetën,” njoftoi policia. Gjatë protestës janë lënduar gjithashtu dy shtetas të tjerë, babë e bijë, të cilët dyshohet se janë dëmtuar nga një bombë molotov. Policia deklaroi se ata ishin jashtë rrezikut për jetën.

Protesta e së hënës u thirr nga Partia Demokratike dhe u quajt prej saj si fillimi i mosbindjes civile, si kundërpërgjigje ndaj gjendjes së vendit dhe burgosjes së deputetit demokrat Ervin Salianji.  Drejtuesit e PD-së artikuluan gjithashtu si qëllim krijimin e një qeverie teknike.

Protestuesit vërshuan rrugëve të Tiranës, u përleshën me policinë dhe goditën me bomba molotov disa prej institucioneve publike, përfshirë edhe selinë e Partisë Socialiste, ndërsa policia u kundërpërgjigj me gaz lotsjellës.

Itinerari i protestës u duk se ishte i paqartë edhe për vetë protestuesit, të cilët fillimisht u mblodhën pranë godinës së Kryeministrisë ku u përleshën me forcat policore dhe më pas ndërruan disa herë drejtim, duke iu afruar institucioneve publike në qëndër të kryeqytetit. Pas Kryeministrisë, protestuesit shënjestruan specifikisht Selinë e Partisë Socialiste, Bashkinë Tiranë, dhe godinën e Parlamentit, teksa të tjerë sulmuan pronën publike./Reporter.al

 

Të fundit