Blushi lexon mesazhin e Metës nga burgu, PL paralajmëron protestë kundër SPAK më 6 dhjetor

Partia e Lirisë ka shpallur protestën e radhës kundër SPAK, e cila do të mbahet më 6 dhjetor 2024, në orën 12:00, përpara zyrave të këtij institucioni. Lajmin e bëri publik Sekretari i Përgjithshëm i PL-së, Tedi Blushi, gjatë një takimi me strukturat e partisë në Tiranë.

Blushi lexoi një letër të ish-Presidentit dhe liderit të PL-së, Ilir Meta, dërguar nga burgu, ku ky i fundit e përshkruan Shqipërinë si një "narko-shtet me një narko-drejtësi". Meta ka apeluar për mbështetje masive ndaj protestës, duke akuzuar SPAK-un si një “vegël” të kryeministrit Edi Rama, që përdoret për të sulmuar opozitën dhe për të mbyllur aferat e qeverisë.

Sipas Blushit, kjo protestë do të jetë një reagim kundër “kapjes” së drejtësisë dhe pasivitetit të SPAK ndaj krimeve të qeverisë.

Tedi Blushi: Të nderuar pjesëmarrës. Të nderuar anëtarë të Partisë së Lirisë. Ju dërgoj përshëndetjet më të përzemërta të presidentit të Partisë së Lirisë, Ilir Meta. Sot kemi nevojë që të ngrihemi dhe të bëjmë gjënë e duhur që të mbrojmë lirinë e çdo qytetari dhe shoqërisë, nga burgosja e saj. Narko-regjimi i Ramës dhe narko-drejtësia e Dumanit kanë kaluar vijat e kuqe, duke shkatërruar opozitën. Presidenti i Partisë së Lirisë është rrëmbim politik dhe është vijim i grushtit të shtetit dhe duke përdorur skuadër të përzgjedhur prokurorësh e gjyqtarësh të nënshtruar. SPAK sot është kobure në dorë të Ramës dhe me urdhër të kryeministrit dhe të mafies politike e ka kthyer vendin me të burgosur politik.

Dy rezoluta ndërkombëtare, të CDI dhe të PPE mbështetën kërkesat e opozitës. SPAK është vetëm hanxhar në duart e kryeministrit për të asgjësuar opozitën e vërtetë, që përfaqësohet sot nga Berisha dhe Meta. Kjo situatë na detyron të protestojmë përpara SPAK, ky institucion që është kthyer në pistoletë në duart e kryeministrit. Më 6 dhjetor, ora 12:00 të niset stina e protestave përpara SPAK, për të denoncuar me prova e fakte, shkeljet flagrante të ligjit e Kushtetutës të kësaj strukture, që po bën sot. Vetëm me mosbindje civile shqiptarët mund t’i japin fund regjimit kriminal të Ramës.

Letra publike e Presidentit të Partisë së Lirisë, z. Ilir Meta, drejtuar Shtabit Drejtues të Tiranës

Të dashur drejtues të Partisë së Lirisë për Tiranën.

Në pamundësi të cdo komunikimi tjetër me ju, për shkak të izolimit ekstrem ku ndodhem nga Narkoregjimi I Dumdumanëve dhe Ramovicit, ju përshëndes përzemërsisht e plot mirënjohje për solidaritetin tuaj dhe qëndresën e pamposhtur në këto kohë decizivejo vetëm për ekzistencën e demokracisë dhe pluralizmit politik, por edhe për ekzistencën e Kombit tonë dhe të familjes shqiptare.

Metamorfoza e Reformës në Drejtësi me 140 vota që u kthye në një Ramaformë me 69 vota e cila instaloi hap pas hapi grushtin e Shtetit sorosist dhe mafioz në vendin tonë, I cili ekzekutohet cdo ditë jo vetëm përmes një Qeverie arbitrare, të dhunshme e bullizuese ndaj qytetarëve, por edhe përmes një junte spakistësh të cilët dhunojnë Kushtetutën, Konventën Europiane të të Drejtave të Njeriut dhe kanë asgjesuar pavarësinë e gjykatave në cdo nivel, përfshirë edhe atë të Gjykatës Kushtetuese sic u ridëshmua edhe në rastin e fundit të cështjes Berisha, është jo vetëm alarmuese, por thirrje për Mosbindje Civile.

Rezultatet e fundit të C.D.I dhe P.P.E, janë një mesazh I qartë se Narkoregjimi I instaluar në Tiranë prej vitesh edhe me ndihmën e Mckonigalëve dhe diplomatëve të korruptuar nuk mund të kamuflohet më e të paraqitet si histori “ Suksesi”

Po kështu Buxheti 2025 është më antisociali dhe mizori për shumicën e qytetarëve e sidomos për 700.000 pensionistët që do të varfërohen më tej, për shumicën dërrmuese të punonjësve dhe një goditje e pamëshirshme ndaj bujqësisë dhe prodhimit vendas.

Po kështu ky është Buxheti që thellon rrokullisjen e arsimit drejt  honeve të injorancës dhe analfabetizmit funksional si dhe Buxheti I braktisjes të mëtejshme të kujdesit shëndetësor ndaj qytetarëve tanë.

Është thjesht një projekt për megavjedhje të reja të parave publike përmes disa klientëve të Edi Ramës, përmes PPP- ve, shumica e të cilave janë nën hetim,  veprave publike me shumëfishimin e kostos reale dhe Inceneratorit që nuk ekziston.

Ndaj edhe Partia e Lirisë ka përgatitur Amendamentet e saj për rishikimin e këtij projekt buxheti në sintoni të plotë me 5 prioritetet tona për 4 milionë shqiptarë plus.

Por smund të priten surpriza nga një Parlament I verbër dhe I shurdhët I cili prej kohësh ngjason me një komisariat shtesë të Narkoregjimit ku keqtrajtohet Opozita që të mos funksionojë llogaridhënia dhe të mos dëgjohet zëri I qytetarëve që vuajnë padrejtësitë, arbitraritetin e pushtetit në cdo nivel dhe varfërinë që ka prekur shumicën e familjeve shqiptare.

Ndaj ju bëj thirrje të gjithë anëtarëve e simpatizantëve të Partisë së Lirisë ti bashkohen Mosbindjes Civile, që pensionistët të mos vdesin për shkak të mosrimbursimit të ilaceve, që fëmijët të mos vriten në oborrin e shkollave, që Drejtoritë të mos ju shpërndajnë drogë nxënësve, që Narkodrejtësia të mos thërrasë një fshat të tërë në SPAK për një autokombanjë, port ë arrestojë pronarët faktikë të Inceneratorit të Tiranës.

Të ngrihemi të gjithë kundër një Qeverie që është bërë palë me bandat dhe Oligarkët kundër qytetarëve të ndershëm, dhe kundër Narkodrejtësisë që është bërë palë me Edi Ramën kundër Opozitës dhe kundër zgjedhjeve të lira e konkuruese.

Ju falenderoj të gjithëve për punën e palodhur dhe kurajoze që po bëni dhe shpreh bindjen në patriotizmin dhe atdhedashurinë tuaj e cila na lidh fortë jo vetëm me njëri –  tjetrin, por edhe me të gjithë shqipëtarët liridashës kudo që ndodhen.

Partia jonë duhet të jetë në ballë të përpjekjeve dhe sakrificave për Liri dhe Demokraci, sepse ne jemi Parti Patriotike e cila interest Kombëtare I ka të shenjta, e cila jo vetëm ka ngritur prej kohësh alarmin kundër projektit ogurzi të shpopullimit të qëllimshëm, pork a edhe një program shumë konkret  kundër shpopullimit.

Ne jemi Parti Patriotike jo vetëm se Arsimin e kemi një prioritet madhor, por edhe edukimin atdhetar të gjeneratave të reja si edhe forcimin e identitetit tonë Kombëtar.

Ne jemi Parti Patriotike sepse kemi një program të qartë  për mbështetjen e prodhimit vendas sin ë bujqësi, blektori edhe në industri e manifakturë.

Me ne Shqipëria nuk do të jetë një gropë e madhe importesh por një fuqi eksportuese sic është edhe prioriteti ynë final.

E vetmja rrugë e sigurt që na mundëson realizimin e këtij programi në interest ë gjithë shqipëtarëve është përballja dhe rëzimi I Narkoregjimit.

Prandaj të shumëfishojmë forcat dhe bashkëveprimin me njëri tjetrin dhe të gjithë Opozitarët e vërtetë për të shporrur këtë pakicë të instaluar përmes krimit dhe korrupsionit.

Fitorja u përket guximtarëve dhe Patriotëve, ndaj edhe fitorja na përket neve.