Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ditari i Opozitës

Boçi: Inceneratori i Elbasanit është si Alkatraz, SPAK nuk guxon të hetojë!

Politiko 3 Korrik 2025, 17:27

Boçi: Inceneratori i Elbasanit është si Alkatraz, SPAK nuk

Nënkryetari i Partisë Demokratike, Luçiano Boçi, ka reaguar lidhur me zjarrin që vijon prej ditësh në fushën e mbetjeve në Elbasan.

I ftuar në SYRI TV, Boçi e konsideroi zjarrin si pasojë të drejtpërdrejtë të keqqeverisjes dhe korrupsionit të thellë në të gjitha nivelet e pushtetit.

“Sot po përjetojmë pasojat e një qeverisjeje të stërzgjatur dhe të efektit të korrupsionit që ka kapluar çdo kapilar të institucioneve dhe mënyrës së qeverisjes, nga ajo qendrore te ajo lokale,” deklaroi Boçi.

Ai theksoi se ky nuk është një zjarr i rastësishëm apo i papritur, por një zjarr i përsëritur, i cili sipas tij, ka një prapavijë të qartë: “Nuk është zjarri i parë në këtë vend. Është një zjarr i qëllimshëm që lidhet me përpjekjen për të mbuluar tymin kancerogjen të inceneratorëve dhe sidomos korrupsionin galopant që shoqëron këtë aferë.”

Duke përmendur edhe inceneratorët në Tiranë dhe Fier, Boçi nënvizoi se këto projekte janë struktura financiare të pafunksionale teknologjikisht, ndërsa ndaloi veçanërisht te Elbasani, që sipas tij, ishte pika e nisjes së gjithë aferës: “Këtu nisi gjithçka. Vendimet e datës 16 dhjetor, ku brenda një dite u firmosën 17 vendime për të hapur rrugën e ndërtimit të inceneratorit të Elbasanit, janë prova flagrante të një aferë të organizuar.”

Ai kritikoi ashpër edhe SPAK-un për mosveprim përballë fakteve të qarta dhe presionit publik: “Edhe pse kemi kërkuar hetim, edhe pse faktet janë para syve të të gjithëve, Prokuroria e Posaçme nuk vepron. Është e pamundur të depërtosh në territorin e inceneratorit, është si një Alkatraz, një burg i sigurisë së lartë për drejtësinë.”

Boçi vijoi duke thënë se ky zjarr nuk është vetëm një tragjedi ekologjike, por edhe një sinjal alarmi për thellësinë e korrupsionit që, sipas tij, ka kapur për fyti institucionet shqiptare.

Të fundit