Flash News

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Ditari i Opozitës

Boçi: Mazhoranca do që të marrë në kontroll KLSH-në

Politiko 24 Korrik 2024, 18:18

Boçi: Mazhoranca do që të marrë në kontroll

Nënkryetari i PD, Luçiano Boçi ka deklaruar se mazhoranca po tenton të kapë institucionet që janë kundër saj, apo që raportojnë korrupsionin qeveritar në nivele të larta.

I ftuar në Syri Tv,  Boçi tha se kjo sjellje e mazhorancës ndaj institucioneve të pavarura u pa me kreun e KLSH-së, Arben Shehu.

“Ka një sjellje të dukshme të mazhorancës ndaj institucioneve të pavarura, ndryshe ndodhi me kreun e SPAK që e duatrokitën me euforizëm, ndryshe me kreun e KLSH, një formë dhunuese ndaj kryetarit mbi mënyrën se si e trajtuan atë në komision. Duan të marrin në kontroll edhe KLSH-në, që në fakt ka qenë denoncuesi më i madh për institucionet, ku shumë prej tyre kanë shkuar në ndjekje penale apo procedime penale, nga gjetjet e KLSH. Mazhoranca kërkon ta mbyllë këtë zë denoncues të aferave korruptive. Tentativa e komisionit të famshëm ‘Antikorrupsion’, që për mua s’qëndron nga ana morale, ka një tentativë në rritje të këtij komisioni që kërkon kontrollimin e këtyre institucioneve të pavarura. Po ndërtojnë një forcë kontrolluese, për të dhënë idenë se këto institucione kanë qenë të pavarura. Institucionet e drejtësisë, SPAK kanë vepruar nën kontrollin e qeverisë, nuk ngopen vetëm me SPAK, por duan të kapin edhe komisionet e tjera, Antikorrupsionin. Jo më kot bën arrestimin politik të liderit të opozitës, Sali Berisha dhe e mban atë të burgosur. Tregon qartë që drejtësia është e kapur. Dhe duan edhe një komision për ta kapur”, tha Boçi.

Numri dy i PD, Luçiano Boçi u ndal edhe në Komisionin për Dezinformim, për të cilin tha se do të ketë të njëjtin fat sikurse komisionet e tjera. Me qëllim, që siç thotë Boçi, për të shuar zërat e atyre pak mediave që nuk censurohen nga qeveria.

“Komisioni i dezinformimit, është kërkesë e BE, po gjithmonë ndodh siç ndodh me të gjitha komisionet e tjera. Duan ta kthejnë në censurë ndaj mediave që janë një zë i fuqishëm kundër qeverisë dhe nuk dorëzohen para presioneve. Frika jonë është se komisioni nuk do luajë rolin e imagjinuar nga partnerët tanë, por do kontrollojë informacionet që dalin nga mediat tona. AMA, është tërësisht e politizuar dhe e kapur, dhe nuk luan ndonjë funksion për rastet në media që kanë probleme. Vijon të jetë mbështetesë e qeverisë, duhet dhe një komision diz për të kontrolluar më shumë median. Në politikën editoriale janë reklamuese dhe mbrojtje e politikës qeveritare“, deklaroi ai.

Sipas Boçit, këto komisione duheshin ngritur me konsensusin e opozitës dhe me transparencë të plotë. Kjo si formë garancie, që media kritike nuk do të goditet nga qeveria. Nënkryetari Boçi tha se për Komisionin e Dezinformimit, PD do të jetë në komunikim të vazhdueshëm dhe në rakordim të plotë me partnerët strategjikë, BE.

Të fundit