Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Opozitës

Boçi: Opozita do vijojë përballjen, ndërkombëtarët të reagojnë ndaj qeverisjes

Politiko 8 Tetor 2024, 20:20

Boçi: Opozita do vijojë përballjen,

Nënkryetari i PD, Luçiano Boçi foli mbi protestën e djeshme të opozites dhe qëllimet e saj.

Në Syri tv, Sipas Boçit, pjesëmarrja masive e qytetarëve dhe risitë në mënyrën e organizimit të protestës tregojnë se qytetarët janë të vendosur të përballen me regjimin aktual.

Ai theksoi se mekanizmat propagandistikë të qeverisë, siç ishte rasti i sajesës së një lindjeje në rrugë, nuk do të ndalojnë intensifikimin e protestave dhe betejës opozitare.

"'Duke u nisur nga ajo çfarë biseduam sot në mbledhjen e drejtuesve të qarqeve, në përfundim, protesta, si formë e mosbindjes civile, arriti qëllimet e saj. Pjesëmarrja e qytetarëve ishte e madhe dhe mënyra sesi u interpretua protesta ishte një lloj risie që u përshëndet dhe u përqafua nga të gjithë qytetarët që na ndoqën gjatë marshimit tonë. Madje, një pjesë e tyre realizuan akte sipas shkallës së zemërimit dhe revoltës së tyre. Ndërkohë, mesazhet tona për përqendrimin në institucionet kryesore dhe mënyra si u organizuan qytetarët ishin shumë të qarta për kryeministrin dhe për domosdoshmërinë e një reflektimi të thellë të kësaj qeverisjeje.

Mekanizmat që përdor mazhoranca janë mekanizma që shkojnë nga propaganda e përpunuar deri te përdorimi i banalitetit, siç ishte rasti i sajesës së një lindjeje në rrugë për shkak të bllokimit të rrugëve nga qytetarët, që u sqarua më vonë.

Është një lloj beteje që vazhdon dhe do të vazhdojë edhe në ditët e ardhshme, por unë mendoj se duhet të qëndrojmë indiferentë ndaj këtyre interpretimeve dhe të vazhdojmë rrugën tonë të drejtë, rrugën e përballjes, duke shtuar intensitetin e protestave tona.

Pjesa e komunikimit, që u theksua sot nga kryetari i Partisë Demokratike, është e domosdoshme. Do të nisë një tur komunikimesh me të gjithë ndërkombëtarët për t’u bërë të qartë situatën në Shqipëri, për fuzionin e krimit me qeverisjen, metodat dhe mjetet që Rama përdor në fushatat zgjedhore, të dëshmuara edhe në raportet e OSBE-ODIHR-it. Qëllimi është që ndërkombëtarët të kenë një pamje të qartë të situatës dhe të reagojnë, duke mos qëndruar më të heshtur, e duke mos bërë deklarata vetëm kur opozita ndërmerr aksione politike brenda dhe jashtë parlamentit. Ata duhet të vëzhgojnë në mënyrë objektive atë që ka bërë qeveria, e cila ka detyruar opozitën të përdorë këto forma të aksionit politik.'- u shpreh Boçi.