Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Bomba e OSBE-ODIHR, Këlliçi: U demaskua përfundimisht farsa e 11 majit

Politiko 23 Tetor 2025, 13:58

Bomba e OSBE-ODIHR, Këlliçi: U demaskua përfundimisht farsa e

Deputeti i Partisë Demokratike, Belind Këlliçi, ka reaguar pas publikimit të raportit të fundit të OSBE-ODIHR për zgjedhjet e 11 Majit, duke e cilësuar këtë dokument si një “bombë” që demaskon përfundimisht farsën zgjedhore të organizuar nga partia në pushtet.

Në një postim të fundit në rrjetet sociale, Këlliçi thekson se raporti final i OSBE-ODIHR konfirmon të gjitha akuzat e ngritura nga PD për manipulimin e procesit zgjedhor dhe abuzimet që kanë shoqëruar zgjedhjet, veçanërisht në Tiranë, Durrës, Elbasan dhe Vorë.

Në reagimin e tij, Këlliçi thekson se raporti i OSBE-ODIHR nxjerr në pah përdorimin e gjerë të administratës shtetërore për të favorizuar një parti dhe për të krijuar një ngërç të madh ndërmjet shtetit dhe partisë, duke çuar në një përzierje të dëmshme të politikës me krimin e organizuar.

Po ashtu, ai e bën të qartë se, Partia Demokratike ka ngritur këto çështje që nga dita e parë, duke i mbështetur me prova të pakundërshtueshme, përfshirë foto dhe video që dokumentojnë shkeljet e rënda të procesit zgjedhor.

Postimi:

Raporti final i OSBE-ODIHR konfirmon të gjitha konstatimet publike të Partisë Demokratike për 11 majin.

Në raport theksohen përdorimi i gjërë i administratës publike duke e bërë të paqartë ndarjen midis shtetit dhe partisë, lidhjet e krimit të organizuar me politikën në Tiranë, Durrës, Elbasan dhe Vorë. Manipulimi i rëndë i mjedisit mediatik, përdorimi i gjuhës fyese dhe diksriminuese me epitetet "çyryk" apo "autik". Blerja e votuesve në mënyrë të drejtpërdrejtë, përdorimi i makinerisë shtetërore për të falur gjoba, dhënia e bonuseve për pensionistët apo shtrimi i asfaltit elektoral.

Duhet të themi se të gjitha këto çështje janë shtruar nga opozita në mënyrë të qartë, të faktuar dhe të pakundërshtueshme me prova, foto e video autentike!

Ky raport, ndër të tjera i jep vlerë dhe qëndresës së pakompromis të Partisë Demokratike kundër farsës zgjedhore të 11 majit, e cila në mënyrë kriminale tentoi të zëvendësonte vullnetin e shqiptarëve me manipulimin e frikshëm patronazhist nga partia-shtet.

Mbi të gjitha, përndjekja dhe burgosja e liderëve të opozitës për arsye politike mbetet çështja më flagrante, shkatërrimtare për demokracinë dhe liritë politike e individuale në vend.

Ky raport është pasqyra e plotë e asaj që ndodhi më 11 maj dhe reagimi ndaj asaj farse ishte dhe mbetet detyrë e çdo individi apo faktori politik që vlerëson sadopak institucionin e zgjedhjeve të lira, klimën e demokracisë apo perspektivën europiane të një vendi si Shqipëria.