All - Scripts - 4
All - Scripts - 5

Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës
Desktop - General - 1

Ditari i Opozitës

Bordi i Paqes, Mediu: Kontributet e Shqipërisë nuk duhet të mësohen përmes ekranit

Politiko 19 Shkurt 2026, 21:09
All - Paragraf - 1

Bordi i Paqes, Mediu: Kontributet e Shqipërisë nuk duhet të

Kreu i Partisë Republikane, dhe ish-ministër i Mbrojtjes, Fatmir Mediu, e sheh si të domosdoshme transparencën institucionale për angazhimet e Shqipërisë në nisma si ajo e Bordit të Paqes.

All - Paragraf - 3

Duke folur në MCN, Mediu tha se vendimet për kontributet e Shqipërisë nuk duhet të mësohen përmes ekranit, por të paraprihen nga debate të hapura institucionale.    

"Është një mbledhje e parë iniciuese ku u thirrën të gjithë firmëtarët. Të gjitha forcat politike në Shqipëri kanë rënë dakord për anëtarësinë. Por ka pasur një tendencë për ta personalizuar këtë ditë si një marrëdhënie mes Ramës dhe Trump që e patë të gjithë që nuk është ashtu. 

Aty përfaqësohet Shqipëria dhe jo Edi Rama. 

Është një angazhim i Shqipërisë për të kontribuuar me trupa paqeruajtëse. Duket qartësisht se jemi kthyer në një republikë të një njeriu të vetëm që thotë e bën çfarë do. Por do të vlerësoj si të drejtë qëndrimin për atë që po ndodh në Hagë: zhbërja e historisë së Kosovës dhe tendenca për të shkatërruar atë që u arrit me gjak. 

Është e rëndësishme sepse Shqipëria është një vend i vogël dhe një angazhim i tillë ka rëndësi. 

Nuk është ky angazhimi i parë me SHBA. Kemi pasur gjithmonë angazhime me trupa paqeruajtëse. E rëndësishme është që çdo planizim është i rëndësishëm të bëhet në mënyrë institucionale. Janë zhbërë institucionet dhe e vetmja gjë është kryeministri. Nuk kemi Këshill Sigurie dhe as president e Parlament. Marrim vesh nëpërmjet ekranit për angazhimet tona. 

Për Shqipërinë, kontributi prej 1 miliardë dollarësh është i pamundur, prandaj përpiqet ta kompensojë me dërgimin e Forcave të Armatosura. Por unë mendoj që Shqipëria ka nevojë për një debat të hapur në institucionet e Shqipërisë dhe në Kuvend. Kjo krijon kostot e veta", tha Mediu. 

Të fundit