Bozdo: Rama do të japë Prokurimin Publik me prokurim, shqiptarët do paguajnë 170 mln euro më shumë

Anëtari i Kryesisë së PD-së, Eno Bozdo deklaroi se qeveria Rama ka vendosur që të japë me prokurim, Prokurimin Publik, duke filluar nga muaji prill i këtij viti.

Nga selia blu, Bozdo deklaroi se taksapaguesit shqiptarë do të paguajnë një kompani private që do të prokurojë çdo gjë që lidhet me shërbimet publike të qeverisë dhe agjensive shtetërore.

Bozdo tha se ëshët e paimagjinueshme se si administratës i hiqet një funksion dhe krijohet një barrë e re për xhepat e qytetarëve.

Deklarata:

Qeveria Rama ka vendosur të japë me prokurim, Prokurimin Publik. Amendimet e Ligjit për Prokurimin Publik do ta mundësojnë këtë duke filluar nga muaji prill i këtij viti.

Pra, taksapaguesit shqiptarë do të paguajnë një kompani private e cila do të prokurojë cdo gjë që ka lidhje me shërbimet publike të qeverisë dhe të agjensive shtetërore, afro 1, 7 miliardë euro në vit. Sikur 1% të marrë kjo kompani për “performancën” e saj, rreth 170 milionë euro do të avullojnë nga arka e shpuar e shtetit shqiptar! Sa për kujtese 140 mil euro, paguajmë ne cdo vit nga buxheti per koncesionet/PPP që nuk ekzistojnë.

Ja pra ku ndeshemi me PPP e radhës, e paimagjinueshme dhe e pa praktikuar nga ndonjë shtet tjetër. Mos harroni se Rama pati tentuar, pa sukses, që vite më parë, të jepte me koncension edhe mbledhjen e TVSH-së.

Mesa duket, Rama, i cili sapo ka premtuar se Prokurimin Publik do të mundësojë me anë të Inteligjencës Artificiale, tashmë e ka kuptuar se ka një zgjidhje edhe më inteligjente, edhe pse shumë artificiale, për xhepin e tij: t`ia marrë fare këtë funksion thelbësor administratës. Është absurde se si administratës që paguhet nga taksat e shqiptarëve, ndër të tjera edhe për të dhënë këto shërbime, i hiqet një funksion dhe krijohet një barrë e re për xhepin e qytetarit. E gjitha për të kënaqur klientët e qeverisë dhe llogaritë offshore, po të qeverisë.

Edi Ramës duhet ti jetë mbushur mendja nga “suksesi i jashtëzakonshëm i PPP-ve të Check-Up, të Strerilizimit, të Laboratorëve, të Inceneratorëve, të Portit të Durrësi,t e kështu me radhë. Me sukses, të dashur shqiptarë, kuptoni vetëm një gjë: mbushjen e xhepave të Ramës dhe bandës së tij.

Në qershor 2010, Organizata e Kombeve të Bashkuara, i akordoi Shqipërisë vendin e dytë në botë për “eficencën dhe trasparencën në shërbimet publike”. Sepse Shqipëria u bë vendi i parë në botë që aplikonte 100% prokurimin elektronik për të gjitha shërbimet publike, duke rritur në nivelin më të lartë trasparencën dhe efikasitetin e këtij shërbimi.

Si rezultat, u rrit ndjeshëm numri i bizneseve që merrnin pjesë në prokurim dhe në të njëjtën kohë u ul ndjeshëm oferta kundrejt fondit limit. Shqipëria, në këtë mënyrë arriti të kursente rreth 80 deri 100 milionë euro në vit.

Që nga viti 2010 shumë kohë ka kaluar, por hapat e Shqipërisë në këtë aspekt kanë qenë mbrapsht, duke e kthyer sistemin e prokurimit publik në një strehë të madhe kusarësh. 40% e tenderave të prokurimit publik janë zyrtarisht me një ofertues të vetëm, dhe thuajse 99% të gjitha procedurave përfundojnë te kufiri i fondit limit. Me pak fjalë, nuk ka asnjë garë, por edhe kur ka, ajo është në letër sepse gjithcka është vendosur më parë.

Tenderat në cdo sektor janë të paracaktuar, dhe për ato paguhen në dorë 30% e shumës së prokuruar.