Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Bumçi paralajmëron protesta të tjera: Bulevardi nuk të le të gënjesh, udhëtimi s’ka pëfunduar

Politiko 7 Korrik 2022, 21:48

Bumçi paralajmëron protesta të tjera: Bulevardi nuk të le

Deputeti demokrat Aldo Bumçi ka paralajmëruar protesta të tjera, sikurse ajo që u zhvillua sot para Kryeministrisë.

I ftuar në studion e “Open” në News 24, Bumçi u shpreh se udhëtimi që opozita nisi sot nuk ka përfunduar, ndërsa shtoi se në kohën kur Rama organizonte protesta, pjesëmarrja nuk arrinte as deri te ura e Lanës.

E kundërta ndodhi sot me protestën e thirrur nga PD-ja, ku u vu re një pjesëmarrje e madhe qytetarësh që mbushën sheshin.

“Bulevardi nuk të lejon të gënjesh. Kur Rama ka thirrur protestë, protestuesit nuk e kalonin urën e Lanës. Ai ishte kryetar i Bashkisë së Tiranës dhe i gjithë bashkive të mëdha rreth e qark, Elbasan, Durrës, etj. Me këto burime njerëzore, ai s’e kalonte dot urën e Lanës. Ne jemi të Galeria e Arteve, afër Ministrisë së Brendshme. Kjo është e rëndësishme, që shoqëria shqiptare besoi te opozita. Nuk është një protestë që mbyllet këtu. Protestat që janë mbajtur në 2019 filluan në shkurt dhe përfunduan me zgjedhjet lokale, pra ishte një periudhë kur ishin shkolla e universitete hapur. Ndërsa sot kanë ardhur nga e gjithë Shqipëria, por këtë pjesëmarrje e sjell vetëm Tirana. Kur pjesëmarrja është shumë e mirë, do të thotë që ka dalë gjithë Tirana, pasi ne nuk kemi mjete të transportit masiv. Nga rrethet ardhja ishte e madhe, por Tirana ka dalë masivisht. Po të marrim parasysh që studentët nuk ishin, për disa plazhi ka filluar, pjesëmarrja ishte shpresëdhënëse dhe sot Shqipëria dhe opozita janë bashkë, në një udhëtim që nuk ka përfunduar”, tha deputeti.

Të fundit