Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Ditari i Opozitës

Burimi: Rama i fokusuar tek dosja McGonigal, Berisha aleati më i besueshëm për Europën

Politiko 23 Mars 2025, 19:09

Burimi: Rama i fokusuar tek dosja McGonigal, Berisha aleati më i

Gazetari Genc Burimi ka bërë një analizë të ashpër mbi situatën politike dhe kriminale në Shqipëri, duke theksuar se korrupsioni dhe trafiku i drogës kanë dëmtuar rëndë imazhin e vendit në Evropë.

Sipas tij, për shkak të këtyre problemeve, Kryetari i PD, Sali Berisha, do të ishte një aleat më i besueshëm për europianët, pavarësisht përkatësisë së tyre politike, sesa kryeministri aktual Edi Rama.

“Shqipëria ka problem korrupsionin, ka problem trafikun, krimi shqiptar ka pushtuar Evropën. Në këtë pikëpamje Berisha do të ishte një aleat më i fortë për Evropianët qofshin këta të majtë apo të djathtë, sesa Ramën.

Berisha po bën atë që bëri kur erdhi në fuqi në 2005-ën, që bëri atë ligjin kundër skafeve gjë që u pëlqeu dhe Evropës.

Rama sot vërtet nuk ka program, dhe që thjeshtë ai po mundohet thjeshtë të mbushë kohën për të parë sesi do të jetë vendimi i administratës amerikane ndaj tij në dosjen McGonigal, që sigurisht mbrapa tij fshihet po ashtu lidhet edhe me Sorosin. Këtë bën Rama sot, ndaj dhe truri i tij është në një gjendje ‘afrofe’, si ato algat që kanë pushtuar një liqen.

Gjatë kësaj kohe ai flet kundra Berishësh ose krijon me BE një marrëdhënie komplet paradoksale, sepse njëherë i bie SPAK-ut dhe më pas fillon e mbron SPAK për t’i rënë në sy Evropës.

Që në fillim ka patur dy alternativa për arrestimin e Veliajt. Arrestimi i tij ka qenë produkt i veprimtarisë nën hije të Ramës, apo ka qene produkt i vetë SPAK për t’i pëlqyer amerikanëve. Rama në fillim fare u mundua t’i tregonte Veliajt që nuk ishte ai mbrapa kësaj dhe sigurisht mori shumë rreziqe, duke sulmuar në mënyrë të pakuptimtë SPAK-un. Pastaj, mbrapa u tërhoq dhe tashmë duket sikur Rama e kaloi kohën e zizë së Veliaj dhe varrimi i tij nga Rama është i përhershëm, i përjetshëm. Në këtë pikëpamje, Rama mendon që të vërë dorë tek arka e Veliajt. Ajo arkë kushton 300 milionë euro. Ajo arkë është e buxhetit të Bashkisë së Tiranës, që janë taksapaguesit e Tiranës dhe nuk ka thesar më të çmuar për Edi Ramën, dhe kjo shpjegohet më atë që pamë këto ditë, me heqje e ç’heqje të deleguarit të Ramës apo të Veliajt, me në krye zonjën Ristani. Çështja është tani se çfarë do të bëjë Veliaj, sepse është mes dy zjarreve. Ose lirisë së Berishës ose Ramës. Ose Veliaj të vetëhakmerret dhe të denoncojë gjithçka që di mbi Ramën, por në këtë rast kjo ja bën edhe më të sigurt fitoren Berishës dhe nuk do ta amnistojë Veliajn. Sot Veliaj është në një situatë të komplikuar”, tha Burimi per Syri tv.