Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Buxheti 2023/ PD do paraqesë 23 amendamente, Berisha zbardh propozimet: Rritje pagash me 25%

Politiko 23 Nëntor 2022, 13:47

Buxheti 2023/ PD do paraqesë 23 amendamente, Berisha zbardh propozimet:

Sali Berisha ka mbledhur grupin parlamentar të PD-së, ku foli për buxhetin e vitit 2023, i cili pritet të diskutohet nesër në Parlament në një seancë maratonë dhe për përmbytjet që kanë përfshirë vendin.

Ai bëri me dije se PD do të paraqesë 23 amendamente, ndërsa ka thirrur kryeministrin Edi Rama në interpelancë. Kryedemokrati bëri me dije se do të kërkohet rritje me 25% e pagave dhe pensioneve.

Gjithashtu do të kërkohet ulja e TVSH-së në 6 përqind për energjinë dhe ushqimet, barazimi i TVSH-së për produktet bujqësore, heqja e akcizës së gazit, dhe rimbursimi i të gjitha dëmeve të Covid-it për bizneset.

“Mbledhja është një mbledhje pune shumë e rëndësishme për shkak të rendit të ditës, tepër i veçantë. Janë buxheti i shtetit, për të cilin deputetët e PD-së kanë përgatitur 23 amendamente, kanë thirrur në interpelancë dhe Edi Ramën.

Amendamentet e paraqitura përbëjnë natyrisht një përmbysje reale të planifikimit dhe shpërndarjes së buxhetit, nga një buxhet për t’u vjedhur, në një buxhet në shërbim të qytetarëve, nevojave të tyre, rrogave dhe pensioneve të tyre, më të ulëtat në rajon, dhe që me këtë buxhet bëhen edhe më të ulëta siç e paraqitën ata.

Në buxhet, në amendamentet e përgatitura, janë përparësuar, pas rrogave dhe pensioneve, ku kërkohet një rritje 25 përqind e rrogave dhe pensioneve, një rritje shumë e ndjeshme e tyre, janë përparësuar buxheti për arsimin, i cili përsëri është diskriminuar, është përparësuar buxheti për shëndetësinë, janë përparësuar lëvizje dhe masa fiskale në favor të qytetarëve për të ulur përballimin e çmimeve të tmerrshme që ka sot.

Do kërkohet ulja e TVSH në 6 përqind për energjinë dhe ushqimet, barazimi i TVSH-së për produktet bujqësore, heqja e akcizës së gazit, limiti i arkës, rimbursimi i të gjitha dëmeve të Covid-it për bizneset”, deklaroi Berisha.

Ky i fundit shtoi se do të propozohet krijimi i fondit rezervë të KESH në mënyrë që të dëmshpërblehen të dëmtuarit nga përmbytjet.

“Propozohet krijimi i fondit rezervë të KESH në mënyrë që dëmshpërblimi i të përmbyturve të mos jetë më çështje mundësie, por çështje detyrimi real ku KESH të detyrohet të mbajë një fond prej 15 përqind për përmbytjet që krijon në zonat ku janë të vendosura digat. Përmbytja e fundit ishte një përmbytje kryekëput e diktuar nga vjedhja qeveritare”, u shpreh kryetari i PD.