“Buxheti 2024, vjedhja më të madhe”, Berisha: Ulsiu i ka ditët e numëruara, do e zëvendësojë Xhafaj

Kryedemokrati Sali Berisha, teksa është futur “live” në “facebook” nga salla e Kuvendit, ku pas pak pritet të nisë seanca e rëndësishme për buxhetin e vitit 2024, është shprehu se ky është buxheti i vjedhjes më të madhe në historinë e vendit.

Berisha shprehet se në këtë buxhet, mbi 400 milion janë parashikuar për portin e ri, sepse sipas tij Rama përvetëson me arabin e tij dhe klanin e drogës 1 milion e 400 mijë tokë publike në portin e Durrësit.

“Ky është buxheti i vjedhjes më të madhe në historinë e vendit. Në këtë buxhet mbi 400 milion janë parashikuar për portin e ri, sepse Rama përvetëson me arabin e tij dhe klanin e drogës 1 milion e 400 mijë tokë publike në portin e Durrësit.

Përvecse pasurisë shumë miliardëshë që krijon aty për klanin e tij mafioz ajo shpenzon 400 milion euro  për portin në Porto Romano” tha Berisha.

Më tej Berisha ka thënë se kur burrin e Ermonela Felajt e morën peng në Urën Vajgurore, se u premtoi banditëve lirimin nga bashkëshortja e cila ishte prokurore, shkoi kjo dhe e çliroi.

Kurse për Ulsi Manjën është shprehur se  i ka ditët e numëruara, do e zëvendësojë Xhafaj.

 “Ju i shihni, ja aty keni Ermonelën. Katër familjarë të saj ka futur palë në palë në Prokurorinë e Tiranës.

Këta gardistë që shihni para meje në këmbë, nja 5 prej tyre kanë Fakultetin Juridik, por as nuk ëndërrojnë kurrë të futen në prokurori apo në gjykatë, ku të lenë Felajt, felë për të tjerët. I marrin të gjitha për vete.

Thoni ju po deshët? Edhe ju keni zgjedhës, më mirë t’i thoni asaj të mos çojë 4 familjarë.

Dhe çfarë familjarësh! Kur burrin e saj e morën peng në Urën Vajgurore, se u premtoi banditëve lirimin nga bashkëshortja, ishte prokurore, shkoi kjo dhe e çliroi.

E di vetë ajo sa pagoi për të liruar burrin. Burri i saj është prokuror në Prokurorinë e Tiranës. Apo jo Pandeli? Folu shqiptarëve Pandeli.

Ja ku erdhi edhe Ulsiu që i ka ditët e numëruara në ministri. Ja ku erdhi badigardi i Edi Ramës. Ik më mirë para se të heqë ai.

Taulant Bego Yaris nuk ka ardhur akoma se po merret me biografinë e oficerëve të policisë, ndërkohë që kur në Encrochat, del njeriu më i lidhur me të gjitha bandat. Ndërkohë që ka përdorur pasaportën diplomatike për të kaluar 54 herë ngarkesa droge me Edmond Begon, ish-zëvendësin e Aldo Bares, i dënuar me 15 vite burg në Itali.

Ku është ai Ulsi? Ku e ke Taulantin? Se bëni luftë për postin e njëri-tjetrit. Se edhe ti atje do shkosh. Prit Fatmirin se do vijë në post tëndin ose më lart.

Bëj ç’të duash Ulsi, ke marrë fund."