Buxheti 2025/ Muço: Reflekton një qasje të papërgjegjshme ndaj qytetarit dhe zhvillimit ekonomik

Drejtuesi i Departamentit të Ekonomisë në PD, Klodian Muço e kia cilësuar buxhetin e 2025 reflektimin e një qasje të papërgjegjeshme ndaj nevojave të qytetarëve dhe zhvillimit ekonomik të vendit.

Duke folur në tryezën e tre departamentet e Ekonomisë, Financave Publike dhe Sipërmarrjes, me prezencën e Kryetarit të Partisë Demokratike, Sali Berisha në seli, Muço tha se buxheti i 2025-ës po e kthen ekonominë tonë në ekonomi parazitare (e varur tërësisht nga importi).

Fjala e plotë:

Buxheti është një reflektim i politikave dhe prioriteteve të qeverisë në funksion të qytetarit. Ky buxhet i 2025-ës reflekton një qasje të papërgjegjeshme ndaj nevojave të qytetarëve dhe zhvillimit ekonomik të vendit. Më konktetisht nga një analizë e përgjithshme e Projekt – Buxhetit rezulton se ky i 2025-ës po e kthen ekonominë tonë në ekonomi parazitare (e varur tërësisht nga importi).

Sektorët prodhues si industria apo edhe bujqësia janë lënë në mëshirë të fatit edhe për vitin e ardhshëm.

Të dy këta sektorë kishin rënie për vitin 2023, janë me shumë gjasa në rënie dhe në 2024-ën e s’ka si te ndodhë ndryshe për 2025-ën. Buxheti për arsimin në raport me PBB më në fund kapi vlerën e vitit 2012 me 3.3% të PBB (shume larg premtimit 5% të 2013).

Përsa i përket 722 mijë pensionistëve ata do të duhet të presin ardhjen e Partisë Demokratike pasi për ta edhe pse kanë kaluar tashmë 10 vjet nga reforma e dështuar e pensioneve përsëri qeveria u thotë prisni, apo u premton se do ketë rritje. Por në fakt buxheti i 2025 nuk e thotë këtë gjë.

Më konkretisht

Buxheti për rritjen e pensioneve në 2025 është 1.6 mld lekë, projekt buxheti afatmesëm për 2026-ën është 1.7 mld lekë dhe ai i 2027-ës është 2 mld lekë. Kjo të ccon të kuptosh se do kemi indeksim 1-1.5% ne vit. (405 mijë pensionist do vazhdojnë të marrin më pak se pensioni mesatar (18.800 leke) apo sa 24% e pagës mesatare.

Bonuset për fundvit janë parashikuar 3.61mld lekë për 2025-ën, 3.75 mld lekë për 2026-ën dhe 3.8 mld lekë për 2027-ën. Apo rreth 5 mijë lekë në vit.

Nuk po shkoj larg, por te vendet e rajonit.

Maqedonia e Veriut bëri rritje rreth 40 euro në tetor të vitit 2024 për ccdo pensionist e nga 1 Marsi do i rrisë me 40 euro të tjera duke e ccuar pensionin mesatar 405 euro, 250% më shumë se Shqipëria. Praktikisht sa 42% e pagës mesatare.

Mali i Zi rriti pensionet në 2024 me 52% apo me 450 euro. 52% e pagës mesatare.

Në Serbi u rrit me 14.8% duke e ccuar në 440 euro apo sa 36% e pagës mesatare.

Në Kosove pensioni mesatar 190 euro apo sa 30% e pagës mesatare.

Në Bosnje u rrit me 35 euro e shkoi 340 euro apo sa 30% e pagës mesatare.