Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Buxheti për vitin 2025, Meta nga burgu: Më antisociali, që shton varfërinë dhe korrupsionin

Politiko 11 Nëntor 2024, 16:07

Buxheti për vitin 2025, Meta nga burgu: Më antisociali, që shton

Kreu i Partisë së Lirisë Ilir Meta ka shkruar nga burgu lidhur me buxhetin e vitit 2025.

Në një status në rrjetet sociale, Meta e ka cilësuar buxhetin si më antisociali në histori. Ai shton se ky buxhet shton varfërinë dhe korrupsionin.

Reagimi: 

Buxheti për vitin 2025, më antisociali, që shton varfërinë dhe korrupsionin.
Asnjë shtesë në fondin e pagave për politika të reja pagash.
Zero fonde për indeksim të pagave nga rritja e çmimeve.
Pensionistët do të diskriminohen më tej me këtë buxhet.
Fondi për politika të reja pensionesh për vitin 2025 parashikohet vetëm 1.6 miliard lekë ose rritje me 0.9% të fondit total të sigurimeve shoqërore.
Kjo do të thotë se pensionet nuk do të rriten as 1% kur vetëm niveli i inflancionit i parashikuar për vitin 2025 është 3%.
Jo vetëm zero rritje, por edhe ulje të fondeve të kujdesit social përfshi dhe për familjet në ndihmë ekonomike që jetojnë në varfëri të tejskashme. Nga 26,1 miliard lekë në vitin 2024, në 23,7 miliard lekë në vitin 2025.
Zero fond shtesë për kategorinë e të papunëve, ndërkohë numri i të papunëve rritet.
Zero fonde për shtresat në nevojë.
Pra e gjithë rritja ekonomike që është kontribut i të gjithë qytetarëve dhe taksapaguesve do të shkojë për investimet publike korruptive me kosto shumë herë mbi realen për të rritur korrupsionin.
Po kështu rritja ekonomike do të shkojë për projektet PPP me mbështetje buxhetore për të vjedhur qytetarët, si dhe do shkojë për të rritur shpenzimet administrative të luksit.
Gjithashtu edhe për të rritur shpenzimet marramendëse të shërbimit të borxhit publik që është një barrë për brezat e sotëm e të ardhshëm, që paguajnë për korrupsionin skizofrenik të Edi Ramës dhe “Rilindjes”.

Të fundit