Flash News

Në zgjedhje të tilla fitorja mund të jetë vetëm e Edi Ramës

Përfundon numërimi në Rrogozhinë, PS del forcë e parë

Arrestohet babai i kandidates së PSD në Fier, policia: Bleu vota për të bijën

Kanosje për një votë, nënkryetari i partisë nën hetim nga SPA

PD-ASHM kryeson në Kukës pas numërimit të 71 kutive

Ditari i Opozitës

Bylykbashi: Kriminelët intimiduan votuesit në Durrës, votat e PD-së janë në kutitë e qytetit

Politiko 12 Maj 2025, 08:53

Bylykbashi: Kriminelët intimiduan votuesit në Durrës, votat e

Drejtuesi politik i Partisë Demokratike në Qarkun e Durrësit, Oerd Bylykbashi, ka ngritur akuza të rënda ndaj Partisë Socialiste lidhur me procesin zgjedhor në këtë qark, duke denoncuar fenomenin e shitblerjes së votës dhe intimidimin e votuesve nga persona me precedentë kriminalë.

Në një prononcim për A2 CNN, Bylykbashi u shpreh se kutitë që janë hapur deri tani i përkasin zonave ku, sipas tij, tradicionalisht është manipuluar vullneti i qytetarëve përmes blerjes së votës.

“Kutitë që janë hapur aktualisht janë nga zonat më të prekura historikisht nga shitblerja e votës. PS i ka përdorur si bazë të sigurimit të votave të blera. Ne presim kutitë e qytetit të Durrësit për të reflektuar realisht vullnetin e qytetarëve për ndryshim”, tha Bylykbashi.

Ai theksoi se PD ka referuar në SPAK një numër të lartë personash të përfshirë në manipulimin e votave, por, sipas tij, autoritetet kanë dështuar të veprojnë me vendosmëri.

Ndër problematikat e konstatuara gjatë procesit të votimit, Bylykbashi veçoi praninë e personave të paautorizuar pranë qendrave të votimit, të cilët, sipas tij, ushtronin presion mbi votuesit nën mbështetjen e grupeve kriminale.

“Procesi zgjedhor është shoqëruar me shkelje të rënda. Kemi pasur intimidim të hapur të votuesve, sidomos në javën e fundit të fushatës. Task Forca e trumbetuar nuk funksionoi. Organizatat kriminale vepruan të papenguara. Në disa raste kemi parë edhe asfalt elektoral deri në orët e fundit para votimit”, deklaroi ai.

Të fundit