Flash News

Berisha pritet me entuziazëm nga qytetarët në Pogradec

Aksidentohet autobusi i ekipit të volejbollit të Korçës, tre vajza përfunojnë në spital

Funerali i Papa Françeskut bën bashkë Trump dhe Zelenskyy, ja ç'biseduan

Rikthehen reshjet e shiut, ulen temperaturat, si parashikohet moti sot

Sherr me sende të forta në një rezidencë në Lundër, dyshohet për një të plagosur

Ditari i Opozitës

Bylykbashi: Reforma zgjedhore synon rotacionin politik

Politiko 17 Prill 2024, 19:35

Bylykbashi: Reforma zgjedhore synon rotacionin politik

Nënkryetar i PD-së,  Oerd Bylykbashi, ka deklaruar ditën e sotme se qëllimi i reformës zgjedhore është të garantojë rotacionin politik, pasi është detyrim kushtetues.

I ftuar në emisionin ‘Task Force’ në Syri TV, ai tha se plani i parë është rikthimi te marrëveshja e 5 qershorit, duke shtuar se ky që kemi sot nuk është 2008 por i 2020, i cili është toksik dhe duhet ndryshuar.

“Duhet të rikthehen koalicionet me listën e përbërë, pasi kjo i jep më shumë peshë partive të vogla. Ajo që propozojmë ne është rikthimi te koalicioni me listë të hapur të partive. Kjo është bërë nga 2003 deri në 2020, dhe ky mekanizëm ka prodhuar dy herë rrotacione, njëherë në 2005 dhe njëherë në 2013-ën. Qëllimi kryesor i kësaj reforme është të garantojë rotacionin politik, është detyrim kushtetues.Marrëveshja e 5 qershorit u duatrokit nga kancelaritë më të larta, që nga Pompeo në Uashington.Rekomandimet e ODIHR flasin për shitjen e votës, për cënimin e fshehtësisë së votës, për presionin ndaj votës, për patronazhimin”, tha Bylykbashi.

Ai thotë se ODIHR në raportin e tij pas zgjedhjeve i rekomandon institucioneve që të dënojnë fenomenet që cënojnë votën. Bylykbashi tha se pas këtij raporti edhe ambasadat kanë kyçur gojën sepse fenomene të tilla nuk janë trajtuar nga organet e drejtësisë, përfshi edhe SPAK-un.

Bylykbashi tha se qëllimi i asaj reforme ishte shuarja e gjeneratorëve të krizave. Ai tha se reforma në atë kohë ndryshoi sistemin, sikundër zgjidhi çështjen e gjeneratorëve të krizave.

“Pjesa më e madhe e debatit që bëhet në gjithë këto vite është një debat i painformuar. Në sistemin partitokratik që kemi, ku kryetarët e partive vendosin personat që duan, dhe një nga rreziqet më të mëdha, është kur partitë marrin emrin e Kryetarit.

Ne kemi provuar mazhoritarin e pastër, sistemin gjerman, kemi provuar sistemet mikes, kemi provuar sistemet e deformuara të sistemit gjerman, më pas provuam proporcionalin spanjoll. Merr sisteme ndër më të mirët, siç mund të jetë ai gjerman, dhe veri në kontekstin e vullnetit negativ shqiptar, do të dështojnë”, tha Bylykbashi.

Të fundit