Bylykbashi takim me ODIHR në Durrës, denoncoi përdorimin e shtetit në favor të PS dhe presionet mbi zgjedhësit

Shefi i misionit vëzhgues të ODIHR, ambasadori Zannier, zhvilloi një takim në selinë e Partisë Demokratike në Durrës, ku u prit nga drejtues të kësaj force politike në kuadër të monitorimit të fushatës zgjedhore.

Kandidati pwr deputet i opozitws, Oerd Bylykbashi, e informoi ambasadorin për zhvillimet në terren, duke ngritur shqetësime mbi atë që e cilësoi si “përdorim masiv të shtetit në funksion të Partisë Socialiste”.

Sipas Bylykbashit, në takimet derë më derë të kandidatëve të koalicionit “PD – Aleanca për Shqipërinë Madhështore”, qytetarët po reagojnë masivisht në mbështetje të programit të PD-së dhe kundër qeverisjes së kryeministrit Edi Rama.

Ai denoncoi përfshirjen e krimit të organizuar në procesin zgjedhor, përmes mbështetjes ndaj kandidatëve të caktuar të PS-së, si dhe presionin mbi votuesit përmes patronazhistëve dhe individëve me precedentë penalë.

Bylykbashi tha se janë paraqitur fakte konkrete mbi këtë fenomen, duke përmendur edhe përdorimin e institucioneve publike, si OSHEE dhe ujësjellësit, për qëllime elektorale.

Në takim u ngrit gjithashtu shqetësimi për moszgjatjen e afatit të kartave të identitetit, që sipas PD-së, rrezikon të pengojë pjesëmarrjen në votim të disa qindra mijëra qytetarëve.

Postimi i plote

Ambasadori Zannier, shefi i misionit vëzhgues të zgjedhjeve i ODIHR zhvilloi një takim në selinë e degës së Partisë Demokratike në Durrës. Ai shprehu interes për zhvillimet e fushatës zgjedhore dhe problematikat e saj në Durrës.

Zgjedhësit po reagojnë masivisht në mbështetje të programit të PD dhe kundër qeverisjes së korruptuar të Edi Ramës në takimet derë më derë të kandidatëve të koalicionit PD - Aleanca për Shqipërinë Madhështore.

Përdorimi masiv i shtetit në favor të PS, përfshirja e krimit të organizuar në zgjedhje dhe mbështetja e tij për përfshirjen e kandidatëve të caktuar në listën e PS, koordinimi mes PS dhe organizatave kriminale përmes individësh të caktuar nga kryeminstri, presionet mbi zgjedhësit dhe shitblerja e votës etj, iu parashtruan me fakte konkrete shefit te misionit të ODIHR. Asfalti elektoral, punësimet, dhënia e titujve të pronësisë në shkëmbim të votave, përdorimi shkollave, i ndërmarrjeve të shërbimit publik qendrore apo të bashkive si OSHEE dhe ujësjellës, etj, u faktuan konkretisht.

Informuam për denoncimet konkrete por pandëshkueshmëria që prodhon mosveprimi i përsëritur i SPAK dhe prokurorisë si dhe roli aktiv i policisë në mbështetje të veprimeve të paligjëshme nga eksponentë të PS dhe të krimit kanë sjellë si rezultat që persona të dënuar me heqje lirie apo në kërkim, të jenë aktivë në terren në favor të PS nën mbrojtjen e mosveprimit të qëllimshëm të organeve ligjzbatuese.

Në cilësinë e nënkryetarit te PD theksova se mosshtyrja e afatit të vlefshmërisë së kartave të identitetit për shtetasit që votojnë në Shqipëri u shtrua si problem madhor në shkallë vendi duke rrezikuar që disa qindramijëra zgjedhës të pengohen për të votuar.

Përfaqësuesve të ODIHR iu referuan zonat e nxehta duke kërkuar vëzhgim të shtuar dhe kërkuam që KQZ dhe task forca e krijuar të veprojnë për të siguruar votim të qetë pa trysninë e patronazhistëve dhe kriminelëve të lidhur me PS pranë qendrave të votimit.