Debat për dyert e hekurit në seli, Salianji: Ta shpifin, t'i heqim! Bardhi: Të hapura janë

Heqja e dyerve të blinduara në seli të vendosura para 8 janarit janë kthyer në një objekt debati mes anëtarëve të Kryesisë në mbledhjen e parë të zhvilluar pas dorëheqjes së Lulzim Bashës.

Veç deputetit Helidon Bushati, heqjen e tyre e ka kërkuar edhe Ervin Salianji.

Ai është përplasur me Sekretarin e Përgjithshëm Gazment Bardhi, pasi ka kërkuar që të hiqen dyert e hekurta dhe të tregojnë simbolikisht hapjen e partisë. Por Bardhi ka deklaruar se dyert janë të hapura.

Po ashtu, Salianji i kërkoi kreut të komanduar Enkelejd Alibeajt që të thërrasë Këshillin Kombëtar që të japë legjitimitetin formal.

Pjesë nga debati:

Salianji: Të ndërtojmë një grup dhe zgjidhje që e bën bashkimin funksional për të gjithë ku të gjithë mund të përfaqësohen si ngjyrime.

Salianji-Alibeajt: Duhet thërritur Këshilli Kombëtar që të japë legjitimitetin formal.

Salianji: Të hiqen dyert e hekurit, të tregojmë me simbolikë hapjen e partisë.

Gazment Bardhi: Dyert janë të hapur

Salianji: Dyert e hekurit që as nuk preken me dore ta shpifin, t'i heqim

Bardhi: Së pari lidhur me blindimin e PD-se, dyert janë të hapura, dhe janë çështje të administratës. S'ja vlen të merremi në kryesi me këtë. Se dyti per zgjedhjet e vitit 2023. Ështe propozuar me idenë qe do pranohej nga te dy palet, duke bërë zgjedhje të bashkuar. Jam dakord edhe unë që të dalim me mesazh për bashkimin.