Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Deklarata e Yuri Kim, Kadilli: Basha u vendos me shpatulla pas muri nga SHBA

Politiko 31 Korrik 2021, 09:41

Deklarata e Yuri Kim, Kadilli: Basha u vendos me shpatulla pas muri nga SHBA

Ish-kandidati për kryetar në PD, njëherësh anëtar i Kryesisë së PD, Fatbardh Kadilli, ka reaguar pas deklaratës së fortë të ambasadores së SHBA Yuri Kim, e cila i kërkoi Lulzim Bashës që ish-kryeministri Berisha të mos jetë në Kuvend në shtator.

Sipas Kadillit, në një status në Facebook, është e turpshme që kryetari i PD-së, të vihet me shpatulla pas murit nga ambasadorja e SHBA-ve, për një çështje që sipas tij Basha po e zvarrit prej kohësh, ndërsa shton se PD duhet të ndahet nga trashëgimia e të shkuarës dhe të shohë përpara.

Postimi i Kadillit:

Është e turpshme që kryetari i Partisë Demokratike vihet me shpatulla pas muri nga Ambasadorja e USA për një çështje që zvarritet prej kohe, për një çështje që bën sikur nuk është.

Është e pafalshme që vendimet e nesërme të jenë në kundërshtim me standardin dhe kërkesat e SHBA, vendit që ka një peshë të madhe në krijimin dhe mbështetjen e Partisë Demokratike.

Është e papranueshme që Kryetari, pas këtij takimi, të kryejë veprime dhe të marrë vendime të detyruara vetëm e vetëm për të ruajtur karrierën apo karrigen, por aspak pse ai beson me sinqeritet tek aleanca strategjike me SHBA.

Mbërritja në këtë situatë nuk e rrit besimin tek lidershipi i tij por e zvogëlon atë edhe më shumë në raport me Shqipërinë, SHBA dhe demokracinë.

Në Kuvendin Kombëtar u bëra thirrje demokratëve “për tu ndarë nga çdo trashëgimi që na komprometon, që na mban peng. Sado emocione të na lidhin me atë.

Demokratë të shohim nga e ardhmja.

Të fundit