Flash News

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Ditari i Opozitës

Deklaratat e Ramës, Këlliçi-Aleancës kundër Gjuhës së Urrejtjes: Reagimet tuaja në funksion të partisë-shtet

Politiko 21 Prill 2025, 22:38

Deklaratat e Ramës, Këlliçi-Aleancës kundër

Drejtuesi politik i PD-së në Qarkun Tiranë, Belind Këlliçi ka vijuar thirrjet ndaj institucioneve publike dhe atyre fetare, pas deklaratës së kryeministrit Edi Rama para fëmijëve gjatë një takimi elektoral ku u ka kërkuar që të shikonin fotot e tij nudo në rrjetet sociale. 

Teksa gjatë fushatës së 2023-shit për zgjedhjet lokale kandidati i opozitës i nxori gishtin e mesit korrupsionit të kryebashkiakut tashmë të arrestuar, Erion Veliaj, shumë institucione reaguan duke dënuar posterin e Këlliçit, por sot të njëjtat kanë zgjedhur heshtjen për deklaratën e Ramës.

Një prej tyre ishte edhe Aleanca kundër Gjuhës së Urrejtjes, teksa në postimin e tij në Facebook, Këlliçi i bën thirrje që të dënojë me forcë gjuhën fyese, bullizuese të kryeministrit në prani të fëmijëve.

"Thirrje publike ndaj Aleancës kundër Gjuhës së Urrejtjes!
Unë Belind Këlliçi, kandidat për deputet dhe drejtues politik i qarkut Tiranë për PD-ASHM, ju bëj thirrje që të reagoni ashpër ndaj gjuhës fyese, bullizuese dhe së fundmi të turpshme të kryeministrit në prani të fëmijëve.
Pa folur për rastet e tjera ku vajzat votuese për herë të parë janë etiketuar si “dashnore” ndërsa burrat votues si “çyrykë”.
Fushata zgjedhore nuk duhet kurrsesi të zbresë në të tilla nivele, dhe ju takon ju si institucion të reagoni në mënyrë të drejtë, proporcionale dhe të duhur për këtë incident të gjuhës së papranueshme.
Unë ju kam ndjekur ju në reagimin tuaj ndaj posterit tim në fushatën e vitit 2023, një poster ku e ku më “steril” dhe të padëmshëm ndaj shoqërisë, krahasuar me rrugaçërinë që Partia Socialiste po tregon sot, duke nisur nga lidershipi i saj.
Gjuha e drunjtë e shoqatave dhe konferencave nuk mund të jetë përgjigja ndaj një politike që po degradon çdo ditë e më shumë, pikërisht sepse shoqëria nuk reagon me nervin e duhur.
E përfaqësues të shoqërisë për të qenë rojtarë kundër kësaj gjuhe, sot jeni ju.
Në të kundërt, jo vetëm keni tradhtuar misionin tuaj por edhe keni dëshmuar se reagimet tuaja janë të stisura dhe në funksion elektoral të partisë-shtet, e cila zapton edhe mediat, edhe shoqërinë civile, përdor edhe gjuhën fyese e rrugaçërore, i rezervon vetes madje dhe luksin e indinjatës dhe moralit", shkruan ai. 

Të fundit