Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Deklaratat e Ramës për negociatat, Basha: Autokratët e korruptuar të Ballkanit kanë guximin të hedhin fajin te BE

Politiko 2 Korrik 2021, 14:06

Deklaratat e Ramës për negociatat, Basha: Autokratët e korruptuar

Kreu i PD-së, Lulzim Basha ka reaguar lidhur me deklaratat e kryeministrit Edi Rama sot në “Forumin e Prespës” teksa ky i fundit kritikoi BE-në për moshapjen e negociatave dhe tha se Ballkani Perëndimor nuk ka përse të presë BE-në për të bërë tregti pa barriera, që qytetarët të lëvizin vetëm me letër dhe të ketë qarkullim të lirë të kapitalit e mallrave.

Në një postim në Twitter, kryedemokrati thekson se autokratët e korruptuar, duke shigjetuar kështu Ramën, kanë guximin që të hedhin fajin tek BE-ja, në vend të goditjeve të tyre të tmerrshme ndaj demokracisë dhe sundimit të ligjit.

Postimi i plotë:

Ishte një kohë  kur zyrtarët e BE-së si Reinhard Priebe folën për shkeljet e autokratëve të Ballkanit mbi Demokracinë dhe Sundimin e Ligjit dhe Kryeministrat e Ballkanit dhe kolegët e tyre u drodhën, reflektuan ose u larguan me votë. Duket se për momentin tavolinat janë kthyer.

Autokratët e korruptuar të Ballkanit kanë guximin të hedhin fajin te BE për mungesën e përparimit, në vend të goditjeve të tyre të tmerrshme ndaj demokracisë dhe sundimit të ligjit. Të flasësh me zë të lartë dhe të veprosh kundër autokracisë është mënyra e vetme për të mbrojtur demokracinë dhe aspiratat e njerëzve në Ballkanit Perëndimor.

Të fundit