Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Denoncimi i Bushatit: Beqaj shkel Kodin Zgjedhor, bën thirrje për të votuar PS nga qendrat shëndetësore

Politiko 30 Mars 2021, 15:34

Denoncimi i Bushatit: Beqaj shkel Kodin Zgjedhor, bën thirrje për

Drejtuesi politik i PD-së në Qarkun e Shkodrës, Helidon Bushati denoncon se kundërshtari i tij politik, Ilir Beqaj po përdor qendrat shëndetësore për fushatë elektorale duke shkelur kështu Kodin Zgjedhor.

Në një postim në rrjetet sociale, Bushati shprehet se Ilir Beqaj është shfaqur sot në krah të stafit mjekësor në qendrat shëndetsore të Pukës dhe Fushë-Arrëzit, duke bërë thirrje për të votuar Partinë Socialiste dhe sipas tij, kjo është shkelje e nenit 91 të Kodit Zgjedhor, i cili ndalon përdorimin e aseteve publike në fushatën elektorale dhe burime njerezore.

Kandidati i PD-së për Shkodrën shkruan më tej se institucionet e varësisë të Ministrisë së Shëndetësisë nuk mund të jenë peng dhe nuk mund të keqpërdoren nga një ish-ministër dhe kandidat që mund të mendojë se është mbi ligjin.

Postimi i plotë:

Denoncoj para opinionit publik dhe institucioneve ndërkombëtare dhunimin e hapur që Ilir Beqaj, për qëllime elektorale po i bën Kodit Zgjedhor.
Sot, nga qendrat shëndetsore të Pukës dhe Fushë-Arrëz është shfaqur në krah të stafit mjekësor duke bërë thirrje për të votuar Partinë Socialiste.
Institucionet publike nuk mund të kthehen në zyra elektorale në shërbim të propagandës rilindase, që sot, rrezikon të infektojë standardet e këtyre zgjedhjeve.
Jemi vetëm në ditët e para të fushatës zgjedhore dhe nuk kanë vonuar të tregojnë fytyrën e vërtetë. Atë të shkeljës së ligjit.
Nuk përbën më çudi fakti se Ilir Beqaj shkel ligjin. Shqetësues është fakti se nuk i tremben forcës së ligjit.
Institucionet e varësisë të Ministrisë së Shëndetësisë nuk mund të jenë peng dhe nuk mund të keqpërdoren nga një ish-ministër dhe kandidat që mund të mendojë se është mbi ligjin.
Përdorimi i institucioneve, fondeve dhe administratës publike, është shkelje e rëndë dhe flagrante e nenit 91 të Kodit Zgjedhor, i cili ndalon përdorimin e aseteve publike në fushatën elektorale dhe burime njerezore.
Si drejtues politik i Qarkut Shkodër dhe kandidat i Partisë Demokratike, i bëj thirrje misionit vëzhgues OSBE-ODIHR dhe përfaqësive diplomatike të BE-së dhe SHBA-së të kenë parasysh këto shkelje flagrante të ligjit dhe cënimin e zgjedhjeve të lira.

Të fundit