Denoncimi nga Infektivi, ish-deputeti i PD: Qeveria ka frymëzuar “tiret”, vjedhin pacientët dhe u bëjnë shantazh me jetën e tyre

Ish-deputeti i PD, Bardh Spahia

Ish-deputeti i PD, Bardh Spahia ka reaguar pas publikimit të një tjetër skandali këtë herë nga spitali Infektiv.

Emisioni invetigativ Stop solli një tjetër denoncim nga familjari ië një pacienti që u shtrua në këtë spital nga Covid-19, por pas vdekjes i humbën paratë në portofol dhe para nga bankomati përmes kartës së bankës.

Sipas Bardhit, kjo qeveri ka frymëzuar vetëm “tiret”, që vjedhin pacientët dhe u bëjnë shantazh qytetarëve me jetën e tyre.

“Një rast tjetër i rëndë dhe revoltues tek spitali COVID 1. Një tjetër qytetar i vjedhur në rrethanat më të pamendueshme.

Emisioni investigativ “Stop” na solli fakte se një pacienti i është vjedhur karta e bankës brenda në spital, ditën kur hyri në intubim. Tërheqja e parave janë bërë për 3 ditë me radhë, derisa pacienti humbi jetën në spital.

Prokuroria duhet të bëjë hetim urgjent për të këtë ngjarje të paprecedentë. Një “Tire” tjetër, akoma më monstër, që vjedh edhe të vdekurit, nuk duhet të ketë vend në spitalet tona.

Për fat të keq, në këto 8 vjet, Edi Rama kaloi nga shëndetësia falas tek shëndetësia e Tires. Kjo qeveri ka frymëzuar vetëm “tiret”, që vjedhin pacientët dhe u bëjnë shantazh qytetarëve me jetën e tyre.

Kjo duhet të marrë fund! Shqiptarët nuk meritojnë të vidhen nëpër spitale! Na duhet një qeveri që do të bëjë ndryshimin!”, shkruan Bardhi.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm