Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Deputetët e PD inspektojnë inceneratorin e Fierit: 28 mln euro konçesionarit për një impiant që s'ekziston

Politiko 8 Shkurt 2022, 17:10

Deputetët e PD inspektojnë inceneratorin e Fierit: 28 mln euro

Anëtarët e Komisionit Hetimor për Inceneratorët Dhurata Çupi dhe Lefter Gështenja ishin në Fier menjëherë pas mbledhjes së Komisionit Hetimor.

Ata vizituan nga afër vendin për të cilin janë dhënë nga buxheti i shtetit 28 milionë euro për një impiant të përpunimit të mbetjeve i cili nuk është vënë në punë sepse nuk  ekziston.

Deputetja Dhurata Çupi theksoi se depozita e mbetjeve është bosh.

“Vijmë nga Komisioni Hetimor. Media juaj e ka ndjekur punën e këtij Komisioni Hetimor. Kolegët socialistë në planin e punës kishin parashikuar të bënim edhe një vizitë në objekt dhe sicc e shikoni objekti nuk punon, nuk është funksional. Kaq e thjeshtë është. Nuk ka mbetje që përpunohen. Depozita është bosh. E keni filmuar sepse unë insistova që të filmohet. Depozita e mbetjeve është bosh. Kontrata është lidhur në vitin 2016 duhej të përfundonte në 2019. Tani jemi në vitin 2022 ku objekti nuk funksionon. Ndërkohë janë 28 milionë euro të vëna në dispozicion për konccesionarin”, deklaroi Çupi.

Më herët, kryetarja e Komisionit Hetimor për Inceneratorët, Jorida Tabaku, deklaroi se shkeljet financiare të gjetura nga KLSH, janë elementet kryesore të këtij hetimi.

“Shkeljet e konsideruara nga KLSH që bëjnë pjesë në grupin financiar të shkeljeve. Sipas KLSH-së, përveç pjesës së procedurës, menaxhimit dhe lidhjes së kontratës, zbatimit të kontratës, problematika kryesore me inceneratorin e Fierit është; për një kontratë të lidhur në vitin 2017 që duhej të përfundonte në vitin 2018, kur e panë që nuk po zbatohej, kur filluan dhe paguan 26 milionë euro, deri në momentin kur nuk u zbatua kontrata, sepse nuk kishte një tokë, nuk kishte një pronë, nuk kishte filluar ende zbatimi i kontratës, pagesat vazhdonin, kontrata nuk ndryshoi dhe në kundërshtim edhe me ligjin për menaxhimin e financave publike, kanë vazhduar dhe kanë paguar një incinerator, i cili nuk ekzistonte”, tha Tabaku.

Të fundit