Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Rroba të grisura dhe shenja në trup, deputeti i PD nxjerr videon: Si i dhunoi policia minatorët në Mirditë

Politiko 14 Tetor 2025, 09:13

Rroba të grisura dhe shenja në trup, deputeti i PD nxjerr videon: Si i

Deputeti i Partisë Demokratike, Agron Gjekmarkaj ka bërë sot një denoncim, në lidhje me protestën që u zhvillua një ditë më parë në Mirditë.

Përmes një postimi në rrjete sociale, Gjekmarkaj ka ndarë një video ku shihet se forcat e policisë kanë dhunuar përfaqësues të sindikatës së minatorëve në Mirditë, të cilët po mbanin një protestë. 

Siç shihet nga pamjet e publikuara në rrjetet sociale, disa prej protestuesve janë shoqëruar në polici.

“PD denoncon me forcë veprimin e dhunshëm të Policisë së Mirditës dhe forcave FNSH ndaj përfaqësuesve të sindikatës dhe minatorëve që po ushtrojnë të drejtën për protestë të ligjshme. Sipas raporteve, disa prej protestuesve u shoqëruan në polici në mënyrë arbitrare ku janë përdorur metoda fizike që cenojnë integritetin fizik dhe dinjitetin njerëzor. Ne shprehim solidaritetin tonë të plotë me minatorët që kërkojnë paga të drejta, kushte pune të sigurta dhe dialog institucional të hapur e transparent. I bëjmë thirrje autoriteteve përkatëse, veçanërisht Prokurorisë dhe Inspektoratit të Punës, të ndërmarrin hetim të menjëhershëm, të paanshëm dhe të plotë për të zbuluar përgjegjësitë dhe për të sjellë drejtësi. Çdo shkelje e të drejtave themelore duhet të hetohet, askush nuk duhet të jetë mbi ligjin.”, shkruan Gjekmarkaj.

Të fundit