Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Diaspora braktis samitin, Rama mbush sallën me patronazhistë

Politiko 24 Nëntor 2023, 11:15

Sekretari për Emigracionin dhe Diasporën në PD, Indrit Hoxha ka deklaruar nga selia blu se Samiti i Diasporës që po mbahet në Tiranë është braktisur në masë nga shqiptarët që jetojnë dhe punojnë jashtë vendit.

Rama e përdor Diasporën vetëm si makijazh të brendshëm, dhe nuk i janë përgjigjur kortezhit që qeveria quan Samit, ka thënë ndër të tjerash Hoxha teksa shprehet se personazhe që ndihmuan Ramën të vidhte zgjedhjet e14 majit, i shihje në sallën e Samitit si delegatë të Diasporës.

Diaspora braktis samitin, Rama mbush sallën me patronazhistë

“Samiti i Diasporës, që po mbahet në Tiranë është braktisur në masë nga shqiptarët që jetojnë dhe punojnë jashtë vendit. Shqiptarët e emigracionit e kanë kuptuar se Edi Rama e përdor Diasporën vetëm si makijazh të brendshëm, dhe nuk i janë përgjigjur kortezhit që qeveria quan Samit, një aktiviteti që prodhon fjalime dhe mashtrime.
Të rënë në këtë hall qeveria ka angazhuar patronazhistët. Të njëjtët personazhe që ndihmuan Ramën të vidhte zgjedhjet e14 majit, i shihje sot në sallën e Samitit si delegatë të Diasporës. Ata nuk kanë fajin e Ramës, por janë bashkëpërgjegjës në ikjen në masë të shqiptarëve jashtë.
Qindra mësues të shkollave të Tiranës dhe të rrethinave, nga Petro Nini në qendër e deri te Ahmet Zogu në Kamëz, nga Elbasani në Durrës, janë urdhëruar të braktisin mësimin dhe të paraqiten si manekinë për të mbushur vendet në samitin e diasporës.

Diaspora braktis samitin, Rama mbush sallën me patronazhistë
Disa prej tyre, me qëllimin për të treguar se cfarë janë gati të bëjnë për nënën parti, kanë hedhur edhe foto në rrjete sociale nga mjediset ku po zhvillohet samiti, sic dëshmojnë fotot që po bëjmë publike.
Bashkë me ta janë punonjës të bashkive dhe të administratës lokale e qendrore, nëpunës të shtetit, që përdoren si mish për tryezë për të mbushur ceremonitë e dështimit të një qeverie që ha me biftek Nusreti çdo turp.”, ka thënë Hoxha.

Diaspora braktis samitin, Rama mbush sallën me patronazhistë

Sekretari për Emigracionin dhe Diasporën vazhdon më tej teksa thotë se shqiptarët e lirë të Diasporës e kanë kuptuar se një qeveri që prej 10 vitesh fshihet para premtimit të saj për votën e emigrantëve, duhet t’i hiqet mbështetja.

“Partia Demokratike, së pari përshendet braktisjen që i ka bërë Diaspora këtij takimi. Shqiptarët e lirë të Diasporës e kanë kuptuar se një qeveri që prej 10 vitesh fshihet para premtimit të saj për votën e emigrantëve, duhet t’i hiqet mbështetja.
Së dyti, ne e garantojmë diasporën se vota e emigrantëve shqiptarë, kudo janë në botë, është një prej angazhimeve tona solemne, dhe ne do ti qëndrojmë deri në fund, duke e kryer menjëherë kur të marrim në dorë fatet e vendit.

Diaspora braktis samitin, Rama mbush sallën me patronazhistë
Ndihma e Diasporës për rrëzimin e një qeverie që ka zbrazur Shqipërinë dhe përpiqet të mbushë sallat me patronazhistë, mercenarë dhe hallexhinj për bukën e gojës, është thelbësore.
I ftojmë shqiptarët e mërgatës t’i bashkohen aksionit opozitar. Për shpëtimin e një Shqipërie që meriton lirinë që Diaspora ka.”