Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Ç’diskutuan demokratët për 5 orë? Deputeti jep detaje nga takimi: Grupi ka 3 alternativa

Politiko 20 Korrik 2022, 11:56

Ç’diskutuan demokratët për 5 orë? Deputeti jep

Disa deputetë të Partisë Demokratike u mblodhën dje në një lokal në kryeqytet ku qëndruan në diskutime për 5 orë. Dy iniciatorët e këtij takimi ishin Lefter Gështenja dhe Flamur Hoxha.

Gështenja ka dhënë për MCN Tv detaje nga takimi i djeshëm mes deputetëve. Demokrati është shprehur se takimi ka qenë një bashkëbisedim i lirë mes tyre dhe një kafe pune ku është diskutuar për situatën politike të PD-së dhe alternativat për zgjidhje.

Gështenja u shpreh se partia ka nevojë për bashkëdrejtim.

“Takimi i djeshëm ishte një kafe pune, bashkëbisedim i lirë me njëri-tjetrin. Na u bashkuan më shumë se 23 deputetë. Një pjesë e mirë kishin konfirmuar ardhjen, por për arsye personale nuk ishin. Nuk mund të fshehim që trajtuam edhe çështjet e ditës, situatën politike. Nuk mendoj që në PD ka luftë. Kemi situatë jo normale. Ky takim ishte privat dhe informal. Koha që ne konsumuam, 5 orë e gjysmë, tregoi që kjo kafe ishte shumë e vlefshme. Kishim nevojë të flisnim me njëri-tjetrin, në atë kafe informale. Disa media na kanë etiketuar si grupi i Bashës, apo i Alibeajt, ky grup nuk identifikohet nga një njeri. Unë besoj që partia ka nevojë për bashkëdrejtim. Ka mbaruar koha e unit. Duhet që PD vërtet të jetë më demokratike. Nuk mund të vazhdohet më me këtë situatë kaotike. Ne po bëjmë opozitë individuale, s’kemi diçka të koordinuar. Imagjino 52 deputetë në Parlament, çfarë opozite reale do ishte. Fakti që ishim të pakoordinuar, kjo kërkohet. Të jemi të konsoliduar”, tha Gështenja.

Më tej ai shtoi se grupi ka tre alternativa në dispozicion për të ardhmen e partisë.

“Ky grupi duhet të jetë i unifikuar, s’mund të vazhdohet kështu. Tre alternativa kemi, e para të vazhdojmë kështu si jemi, e dyta, të shohim mundësinë e bashkimit me Rithemelimin, që duhet të jetë vendim grupi, e treta të konsolidohemi si grup dhe të kemi veprim të qartë. Nuk është normal edhe etiketimi për kolegët, ata që kanë dalë nga Rithemelimi përfaqësojnë demokratët dhe këta përballë s’përfaqësojnë asgjë. Kjo s’është normale. Nuk ka qenë qëllimi t’i tregojmë forcën Berishës. Qëllimi është të jemi në terren. I kam kërkuar Bashës të jemi në terren, edhe deputetëve, shkëputja lë fushë të lirë edhe për mazhorancën. Ne nuk vendosim kushte për Berishën”, shtoi deputeti.

Sa i përket mungesës së Lulzim Bashës, Gështenja tha se nuk ka pasur një ftesë për ish-kreun e PD-së. “S’ka pasur ftesë për z.Basha në këtë takim. Nuk është e vërtetë që ne jemi mbështetësit e Bashës”, tha Gështenja.