Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Distancohemi nga kandidaturat personale"/ Vau i Dejës braktis Alibeajn, kandidatët për Këshillin Bashkiak mbështesin Zef Hilën

Politiko 10 Prill 2023, 11:26

"Distancohemi nga kandidaturat personale"/ Vau i Dejës braktis

Kandidatët e Enkelejd Alibeajt për Këshillin Bashkiak në Vaun e Dejës kanë dalë hapur në mbështetje të Zef Hilës, kandidat i koalicionit “Bashkë Fitojmë” për Vaun e Dejës në 14 maj.

Mbështetjen e kanë konfirmuar përmes një deklarate ku thonë se distancohen nga çdo kandidaturë personale e tjetërkujt, si edhe të kryetarit të komanduar të PD, referuar këtu Alibeajt.

Kandidatët pohojnë se kandidatura e nxjerrë nga Alibeaj në Vaun e Dejës, Klomentina Drini, është në kundërshtim me vullnetin e demokratëve.

Ata deklarojnë se Zef Hila është njeriu më i votuar i zonës dhe më i mbështetur, duke i bërë thirrje çdo demokrati të mbështesin dhe të votojnë Hilën.

Njoftimi i plotë: 

DEKLARATË E KANDIDATËVE TË PARTISË DEMOKRATIKE PËR KËSHILLIN BASHKIAK TË BASHKISË VAU DEJËS

Ne, kandidatët për këshilltarë të Këshillit Bashkiak të Bashkisë Vau Dejës, duke falenderuar Kryesinë e Degës dhe strukturat e PD, Dega Vau Dejës, për besimin dhe mbështetjen, shprehim qëndrimin tonë lidhur me fushatën elektorale për zgjedhjet lokale të 14 Majit 2023:

Ne sot, me anë të kësaj deklarate, shprehim hapur mbështetjen tonë për kandidatin e koalicionit “Bashkë Fitojmë” z. Zef Hila.

Ne distancohemi nga çdo kandidaturë personale e kujtdo qoftë ajo, përfshirë edhe të kryetarit të komanduar të PDSH-së, për sa kohë kjo kandidaturë është nxjerrë në kundërshtim me vullnetin e demokratëve të bashkisë së Vau Dejësit.

Ne i bëjmë thirrje të gjithë demokratëve të bashkisë së Vau Dejësit, që të bashkuar të mbështesim kandidatin e përbashkët të demokratëve, z. Zef Hila dhe listën e kandidatëve për Këshillin Bashkiak të Partisë Demokratike të Shqipërisë.

Z. Zef Hila është ish-kryebashkiaku jonë, është Deputeti ynë, është njeriu më i votuar dhe më i mbështetur i kësaj zone, dhe po ashtu edhe në listen tonë për këshilltarë bashkiak janë përfshirë gra dhe burra të ndershëm, profesionistë e me integritet, me kontribute për komunitetin tonë, e të gjithë janë të gatshëm për të punuar me përkushtim dhe me besim, për fitoren e padiskutueshme të Partisë Demokratike në Këshillin Bashkiak dhe të z. Zef Hiles si kryetar i ardhshem i Bashkisë Vau Dejës me 14 Maj.

Të fundit