Flash News

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

Ditari i Opozitës

Dita e trashëgimisë kulturore/ Zhupa nga Butrinit: Kemi të bëjmë me plaçkitje qeveritare, PD vazhdon betejën

Politiko 29 Shtator 2022, 16:21

Dita e trashëgimisë kulturore/ Zhupa nga Butrinit: Kemi të

Sot në ditën kombëtare të trashëgimisë kulturore, Partia Demokratike ka rikthyer sërish në vëmendje rastin e qytetit antik të Butrintit, qendra më e njohur arkeologjike në Shqipëri, që pritet të menaxhohet për dhjetë vitet e ardhshme nga një agjenci e re. 

Deputetja demokrate, Ina Zhupa denoncon nga Butrinti se kemi të bëjmë me plaçkitje qeveritare, por shton se PD do ta vazhdojë betejën për qytetin antik.

Deklarata e plotë:

Sot është dita kombëtare e Trashëgimisë Kulturore. Në vitin 1916, 3 ushtarakë mbrojtën trashëgiminë tonë kulturore, mbrojtën Apoloninë në Luftën e Parë Botërore ndaj plaçkitjes që donin t’i bënin në atë kohë.

Sot ne kemi një plaçkitje të llojit tjetër, kemi plaçkitje qeveritare që po i bëhet trashëgimisë sonë kulturore.

Unë jam në Butrint. Butrinti është një nga perlat e trashëgimisë sonë kulturore, por edhe zonë e mbrojtur nga UNESCO, trashëgimi kulturore botërore. Të cilën ne duhet ta mbronim, të cilën ne duhet të ishim krenarë. Për të cilën shteti shqiptar duhet të jepte gjithë burimet e nevojshme për ta menaxhuar dhe për ta administruar. Por jo, ka zgjedhur ta japë me koncension. Ka zgjedhur ta japë me PPP perlën e trashëgimisë sonë kulturore.

Gjithashtu nga Butrinti dua të kujtoj ngjarjet e trishta të trashëgimisë sonë kulturore të menaxhimit të saj. Që nga shembja e teatrit kombëtar në mes të pandemisë bashkë me artistët brenda dhe sot kemi thjesht një gërmadhë atje. Dhe deri te planet e tjera të menaxhimit  për t’i dhënë me PPP, Durrësin, Drilonin, Pallatin e Brigadave e shumë site të tjera të trashëgimisë sonë kulturore.

Kjo nuk është mënyra për të menaxhuar trashëgiminë kulturore. Kjo është thjesht mënyra për të pasuruar një grup oligarkësh dhe për të bërë qokat e radhës kryeministri për interesat e veta në marrëdhëniet ndërkombëtare.

Partia Demokratike do ta vazhdojë betejën për Butrintin. Unë do ta vazhdojë betejën për Butrintin në Gjykatën Kushtetuese. Por jo vetëm kaq. Ne ju premtojmë të gjithë shqiptarëve që trashëgimisë kulturore do t’i ndryshojë fytyra kur Partia Demokratike me votë të marrë qoftë administrimin e pushtetit lokal dhe qoftë nesër administrimin e pushtetit qëndror.

Të fundit