Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Dje përsëritët 22 shkurtin e ’91-shit!", Berisha: Akuzuat për Këlliçin si Azem Hajdari dikur

Politiko 12 Shkurt 2026, 11:19

"Dje përsëritët 22 shkurtin e ’91-shit!",

Kryetari i Partisë Demokratike, Sali Berisha, ka vijuar akuzat ndaj mazhorancës, duke bërë një krahasim të fortë historik me ngjarjet e 22 shkurtit 1991.

Në një deklaratë publike, Berisha tha se mazhoranca po përsërit skema të vjetra, duke akuzuar opozitën për ngjarje që, sipas tij, nuk kanë lidhje me të.

Ai pretendoi se edhe së fundmi është ndjekur e njëjta logjikë, duke iu referuar akuzave ndaj Belind Këlliçit.

Berisha foli për “panik” në radhët e mazhorancës dhe u bëri thirrje qytetarëve që, sipas tij, të mos mbrojnë “hajdutët”, por të reagojnë.

PJESE NGA DEKLARATA

Mos dilni se edhe ju u shohin fammiljarët tuaj, miqtë tuaj që mbroni hajdutët.
Nuk keni nevojë t’i mbroni këta. Lërini.
I patë se çfarë janë në gjendje të bëjnë.
Qytetarë dhe qytetare, vetëm ju jeni zgjidhja.
Vetëm ju jeni shpresa e shqiptarëve.
Këta janë në panik të tmerrshëm.
Përsëritën dje 22 shkurtin e 91-shit.
Më 22 shkurt të vitit 1991, Sigurimi i Shtetit qëlloi dhe ekzekutoi tek dera e Shkollës së Bashkuar një oficer policie, një të ri, dhe thanë se oficerin e policisë e qëlloi një person me Fiat të bardhë, dhe ishte konkretisht Azem Hajdari.
Mirëpo Azem Hajdari atë ditë ishte në Devoll, dhe të gjithë postblloqet e policisë e vërtetonin që ka qenë në Devoll.
Të ndjerin Lulzim Sulollari e vrau vetë qeveria për të akuzuar opozitën.
Dje çfarë bënë këta?
Akuzuan Belind Këlliçin se organizoi kryengritjen... atë nuk e akuzoni dot se ai u bën petë ju. Po kur ngrihet ajo dhe më nxjerr rregulloren për një fjalë që unë përdora... unë mund të thoja edhe dollapët, po fundi i fundit thashë një fjalë tjetër që të kuptohet nga qytetarët.
Edhe për këtë ngriheni ju të sulmoni?
Dje ju akuzonit Belind Këlliçin në një kohë kur ai po drekonte në Miçigan me një përfaqësues të shquar të diasporës shqiptare.
A e kuptoni se çfarë paniku dhe tmerri keni ju?
A e kuptoni ku keni rënë ju?
A e dini që jeni në kohët e fundit të ekzistencës suaj sepse meritoni zhdukjen.
Meritoni zhdukjen dhe qytetarët këtë parlament do ta mbyllin një minutë e më parë.

Të fundit