Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Do hiqet trau", Berisha: Kukësi do ketë një nga pallatet e sportit më të bukura në Shqipëri

Politiko 21 Prill 2025, 20:02

"Do hiqet trau", Berisha: Kukësi do ketë një nga

Gjatë takimit me qytetarët në Kukës, Kryetari i PD, Sali Berisha akuzoi qeverinë aktuale për injorimin e këtij qyteti dhe premtoi një sërë ndërhyrjesh konkrete. Berisha deklaroi se trau në hyrje të Kukësit do hiqet brenda javës së parë të qeverisjes së tij, duke e quajtur një turp që e ka izoluar qytetin. Sipas Berishës, qytetarët nuk do paguajnë më asnjë qindarkë për të hyrë në qytet.

Berisha premtoi gjithashtu ndërtimin e një prej pallateve të sportit më të bukura në Shqipëri për Kukësin dhe një vëmendje të veçantë për zhvillimin e turizmit malor në zonën e Sharrit, Korabit dhe bjeshkëve përreth. Kryetari i PD shtoi se çdo emigrant që investon në turizmin malor do përfitojë 8 vite pa taksa.

Berisha: Miq, kudo që shkoj unë gjej një Shqipëri të injoruar.
Isha në Krujë. Kruja sa është nga Tirana, 20 km. Një nuse e re më thotë në treg, doktor, problemi më i madh është problemi i fëmijëve. Nuk ka kopsht, nuk ka çerdhe. I gjithë qyteti kishte vetëm dy kopshte.
Zbrita në Fushë Krujë, një biznesmen, të cilit i shpreh nderimin më të madh, Muhamet Hoçkaj, 300 punëtorë, një kopsht falas për punëtorët.
Pra, ky është një injorim i përgjithshëm.
Kukësi i injoruar. Investimet në Kukës mezi përfunduan 10 kilometra rrugë për në Shishtavec.
Ndërtuan urën, e përjashtuan Kukësin nga trafiku, krim i shëmtuar. Për të hyrë në Kukës duhet të sillesh rrotull, të dalësh nga mbrapa.
Turpi të mbuloftë Edi Rama me këtë akt.
Nuk mund t’ia mbyllësh kurrë hyrjen një qyteti dhe të hyjnë të tjerët nga mbrapa. Dhe pse? Projektet e tua.
30 milionë euro ura. 13 milionë euro ka kushtuar ura e Bunës e cila hapet për të kaluar anijet.
Pra, dy herë më e kushtueshme se kjo se ka mekanizmin që hapet në dy anë.
Ky ndan paratë!
Dhe pastaj vendosi traun.
U jap fjalën e nderit se hyrja juaj do jetë madhështore. Se trau do hiqet javën e parë.
Se nuk do paguani asnjë qindarkë.
Jo, asnjë qindarkë.
Dhe se Kukësi, do përsëris prapë premtimin tim, do ketë një nga pallatet e sportit më të bukura në Shqipëri.
U garantoj se potenciali juaj turistik është i jashtëzakonshëm.
U them unë ju, nuk ka zonë me potencial turistik më të madh se sa malet e Sharrit, Korabi dhe gjithë këto bjeshkë.
Pra do bëjmë gjithçka për turizmin malor, ku jo ato që thotë Edi Rama, por çdo emigrant që do të investojë në turizmin malor, do jetë 8 vite pa asnjë taksë.