Dorëheqja e Mark Markut, anëtari i ri i Kryesisë së PD: Rast që duhet analizuar. Ka pasë kritika të pranuara, duhet reflektim!

Gert Bogdani është një nga 15 emrat e rinj të Kryesisë së PD i zgjedhur nga Këshilli Kombëtar.

I ftuar në ‘News 24’, Bogdani ka komentuar dorëheqjen e Mark Markut, ndërsa e ka cilësuar si një rast që duhet analizuar.

Sipas tij, kritikat janë gjithmonë të drejta dhe mbi to duhet reflektuar.

“Pa diskutim, kritikat janë gjithmonë të drejta, çfarëdo qofshin. Duhet të marrësh të mirën e asaj që ka brenda dhe të reflektosh mbi të, nuk ka kritike të keqe kur bëhet me dashamirësi.

Ata që kritikojnë sipas mendimit tyre e bëjnë për të mirën ë përgjithshme. Kur reflekton në anët pozitive ndihmon të jesh më i fortë.

Nëse je dikush që nuk pranon kritike kemi të bëjmë më lider autokrat, sic është Edi Rama.

Ka pasë kritika të pranuara. Sa më shumë kalon koha, reflektimi është i rëndësishëm. Duhet të reflektojmë të forcojmë PD, jo vetëm për të mirën e lidershipit të PD, po edhe për shqiptarët, Një opozitë e shëndoshë do të thotë të ketë më kujdes për të qeverisur”, u shpreh Bogdani.