Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Dosja “5D”, Këlliçi: Afera nuk mbyllet me kaq, drejtorë të tjerë do të jenë në qeli

Politiko 9 Prill 2024, 10:16

Dosja “5D”, Këlliçi: Afera nuk mbyllet me kaq,

Anëtari i Kryesisë së PD, Belind Këlliçi ka shprehur pakënaqësitë e tij për punën që SPAK ka bërë deri më sot me denoncimet, dokumentet, faktet dhe të dhënat e depozituara nga opozita.

I ftuar në “Kafe Shqeto”, Këlliçi u shpreh se edhe me dosjen “5D”, SPAK do të duhej të kishte vepruar më parë, që kur vetë ai denoncoi në dhjetor të vitit 2022 se Mariglen Qato po prishte shtëpitë e banorëve të rrugës “Myslym Keta”.

Demokrati shtoi se është lajmi mirë që po goditet shtabi elektoral i Veliajt në zgjedhjet e 14 majit, por thekson se kjo aferë nuk mund të mbyllet me kaq.

"Pothuajse aspak. Në raport me të gjithë faktet që janë depozituar me të gjithë provat e pakontestueshme me të gjithë dokumentet që kam çuar, me këmbënguljen që kam patur me faktin që janë bërë me dhjetra herë denoncime publike nga selia e Partisë Demokratike dhe me faktin që kemi 8 muaj që depozitojmë dokumente. Kam çuar 1200 faqe deri tani për inceneratorin e Tiranës, dokumente të reja. Pjesa dërrmuese nuk kanë qenë pjesë e komisionit hetimor të inceneratorëve. Edhe më vete kamë letra të reja në raport me inceneratorët, ku është edhe vetë firma e Veliajt.

Dhe ndërkohë për 5D do të duhet të kishin vepruar shumë më herët. Për drejtorët e përfshirë tek 5D kemi dërguar më herët denoncime në SPAK, për Mariglen Qaton para se banorët e Myslym Ketës që sot janë në rrugë, u janë prishur shtëpitë. Kur unë i kam denoncuar në dhjetor të vitit 2022, kam denoncuar rastin në fjalë dhe kam thënë që Mariglen Qato një nga drejtorët që sot është i arrestuar po i prish këto shtëpi, këto pallate për të ndërtuar vetë me kompaninë e tij 5D, e kemi çuar në SPAK, por SPAK-u nuk ka reaguar. E vetmja gjë që ka bërë, ne fakt e ka përpiluar Adriana Kalaja kallëzimin në atë kohë dhe e kemi punuar bashkë si material. E deleguam për kompetencë në prokurorinë e Tiranës dhe asgjë nuk ndodhi. Me të vërtetë janë bërë disa ndalime, disa arrestime ne nivelin e drejtorëve që kemi parë deri tani. Ky është një lajm i mirë politikisht në një farë mënyrë për atë çfarë ka ndodhur me 14 maj. Sepse është goditur shtabi politik i Veliajt dhe do të vijojë të goditet. Ja u them më bindje të plotë që drejtorë të tjerë do ti pasojë këtë që janë në qeli.

Por problemi është se nuk mund të mbyllet kjo aferë prapë ke drejtorët. Është dikush që duhet të dalë nëpër media dhe që e heq veten për kryetar bashkie, ngeli vetëm pa drejtorë fare dhe thotë që unë nuk e di që me vodhën drejtorët 30 milionë Euro. Nuk e di që me vjedhin 132 milionë euro tek inceneratori i Tiranës dhe ky vijon të jetë kryetar bashkie, në mënyrën më të paturpshme që mund të këtë parë ndonjëherë ndonjë drejtues lokal në një vend normal. Dmth, ajo çka po ndodh në bashkinë e Tiranës", deklaroi Këlliçi.