Drejtuesit politik në qarqe, Lela: Të spikatur, por të mos fotokopjojnë listat e Ramës

Drejtori i Komunikimit në Partinë Demokratike, Alfred Lela ka komentuar vendimet e marra një ditë më parë në mbledhjen e Kryesisë së PD. I ftuar në emisionin 'Breaking' në Top News, Lela u ndal te zgjedhja e 12 drejtuesit politikë në qarqe disa muaj para zgjedhjeve parlamentare të 2025, duke e cilësuar si një listë përfaqësuese.

Sa i takon vërejtjes së zonjës Edith Harxhi, Lela tha se gratë do të jetë të përfaqësuara, pasi do marrin 30% të listës së deputetëve të PD dhe 30% e grupit parlamentar të PD nesër.  

Në mbledhjen e djeshme të Krysisë në PD pati vendime të rëndësishme sa i takon drejtuesve politikë në qarqe, nuk munguan debatet... Lista e publikuar dje siguron një rezultat të mirë për PD nesër në zgjedhje?

Intervista e plotë:

Ajo nuk është lista e 12 dishepujve, janë 12 përfaqësues politike të spikatur. Nuk duhet të kërkojmë një listë të përkryer se nuk ka listë të tillë as në SHBA. Në gjykimin tim është një listë e mirë, përfaqësuese, e dyta bën bashkimin dhe opozita ka nevojën e një bashkimi edhe me hatërmbetësit. A ka patur listë që nuk ka zgjuar pakënaqësitë e veta që nuk ka zgjuar pakënaqsitë e veta? Nuk ka patur.

A do ketë listë që nuk do të jetë e tillë që të mos zgjojë pakqënaqësi? Edhe po të ishin 12 dishepujt e Jezu Krishtit në të, lista do shihej e papërkryer për dikë tjetër.

Është një listë politike që merr parasysh shumë gjëra, por nuk i merr dot parasysh të gjithë sepse është e pamundur në një parti e cila në ditën më të keqe grumbullon 600 mijë vota sic është PD dhe i duhet të zgjedhë 12 përfaqësues. 

Ju thoni që është përfaqësuese, por Edith Harxhi në media ka shprehur pakëqënësi për mungesën e përfaqësimin gjinor. Është një handikap?

Ka të drejtë zonja Harxhi. Prandaj e thashë që lista nuk është e përkryer sepse gjërat në terren janë ato që janë. Gratë do të jetë të përfaqësuara, pasi do marrin 30% të listës së deputetëve të PD dhe 30% e grupit parlamentar të PD nesër.  Këto janë lëvizje taktike. Për gratë demokratë i rëndësishëm është qëllimi dhe jo taktika.

Lista e drejtuesve politikë ka të bëjë me listën e deputetëve apo do jetë proces tjetër për ata që do garojnë në listë të sigurt dhe ata që do garojnë në primare.

Sali Berisha e tha të qartë dje në mbledhje në një nga pikat e fjalimit ku tha se do ketë primare, pra do ketë nënshtrim ndaj garës. 

A bën kuptim që të jenë edhe drejtuesit e qarqeve? Do preferoja t'i lija jashtë dhe ta kishin nisur punën që dje dhe nuk duhet të merren me një garë për të gjetur vetën në një garë tjetër, dhe ti mundësojnë PD një fitore. 

Në fund të fundit, janë zgjedhur me votë dhe e kanë marrë një herë atë votëbesim. Ata duhet të komunikojnë garën e PD në zgjedhjet e ardhshme dhe jo garën e tyre. 

Berisha mbetet në 'arrest shtëpie'. A do ketë strategji juridike që t'i mundësojë në terren për të kërkuar vetë votën e shqiptarëve? A mund të pranohet një kërkesë për zbutjen e masës së sigurisë?

Masa për Berishën prandaj është marrë, për të pakësuar kontaktin politik e fizik të Berishës, pune që e bën shumë mirë, në thelb është inkapacitimi. U bënë shumë marifete që demokratët të mos shihnin emri i kryetarit të tyre në krye të listës të koalicionit 'Bashkë fitojmë'. Në thelb të kësaj që vuan Berisha është kjo filozofi.

Nuk ka platformë, e vetmja është e drejta sepse është i izoluar prej 8 muajsh pa asnjë akuzë. Në demokraci kemi rënë dakord që gjendet akuza, prova e fajit dhe më pas persekutohet e ndiqet ligjërisht.

Në këtë rast ndodh e kundërta. E vetmja gjë është clirimi i Berishës nga shkallët e gjyqësorit këtu që të shkojë në gjykatë evropiane që i është qartësisht mohuar.

Sa i takon primareve, nga eksperica çfarë tregoi përballja për zgjedhjet vendore. A beson që do gjendet pjekuria e kandidatëve që ndoshta mund të mos fitojnë ta mbështesin partinë?

Sentimentet njerëzore është vështirë për ti parashikuar, por vazhda e gjërave kështu ka qenë që mosfituesit do luajnë të pakqënaurin. Do ketë të tillë por mendoj se duhet mbajtur në sy qëllimi si rasti i zonjë Harxhi, nuk është taktika por qëllimi që është i njëjtë për të gjithë, të mundet Edi Rama dhe të ndodhë rotacioni pasi vendi e ka të nevojshëm. Po u mbajt në sy ky qëllim të tjerat janë tekste dhe jo thelbi.

Po kërkohet qeveri teknike. Kio kërkesë është ultimative? Opozita pati përvojë me qeveri gjysmë teknike në 2017, megjithatë ministrat u ankuan se nuk kishin pushtet real si rasti i z. Demiraj. Beson se mund të jetë ndryshe nëse miratohet ketë këtë herë?

Qeveria teknike nuk është që PD të përfaqësohet në një qeveri kalimtare, por ajo që është mbi qeverinë , formula eshte të bëhen zgjedhje të lira dhe jo votime. Ajo është në dispozion të kësaj nevojë kombëtare, të tjerat janë dytësore. 

Kryeformula është qeveria teknike ngrihet për zgjedhje të lira e të ndershme. Është nevojë e shqiptarit ta shohë veten të përfaqësuar sipas votës që ka hedhur. Voton dhe diaspora këtë herë, nëse nuk ka ndonjë cudi apo zhvillim negativ dhe kjo ka rëndësi më shumë që vota të mos manipulohet. Benefiti është kombëtar dhe është kthimi i institucionit të zgjedhjeve në zemër të demokracisë. Në zgjedhjet e fundit është institucion i rënë.

Unë ju pyeta nëse kërkesë është ultimative pasi Rama në atë kohë nga ish zv ndihmës amerikan i shtetit pati presion dhe pranoi të japë vetëm 6 ministri. Sot Berisha nuk ka raporte të mira me ndërkombëtarët, ndaj cili mund të jetë mekanizmi që ta bëjë Ramën të pranojë një kërkesë të tillë?

Ka shumë mekanizma dhe kryesori është rezistenca nga brenda. Nëse populli shqioptar ndërgjegjësohet, opozita i ka mjetet kreative për të arritur dicka jo për hatër të pushtetit por për hatër të asaj që është interes kombëtar. Institucioni i zgjedhjeve ka rënë dhe të gjithë ata që ikin, ikin se nuk e shohim vullnetin e tyre te lexuar sic duhet.

Do shkojmë drejt zbazjes së vendit apo të 'bangladeshëzimit' në kuptimin të mbushjes me ta sepse është realiteti në Gjadër dhe Shëngjin ose të rishqiptarizimit dhe formulat e demokracisë në botë edhe këtu kanë në zemër të tyre vullnetin e tyre të përfaqësuar përmes votës. Po ra kjo,  të gjitha tjerat janë simulim i demokracisë. 

A do ketë emra të rinj nga lista e 'mbyllur' e kandidatëve në PD që nuk kanë mbështetje më të madhe politike por mund të bënin punë të mirë në elektoratin gri?

Mendoj se po, por është herët për parashikimin por si formulë qëndron. Publiku do të shohë dhe do përfaqësohet. E kërkon një nivel të tillë që do ti jepet. Dje u caktuan drejtuesit e qarqeve dhe do bëjnë punën për të garantuar lista fituese që shpresoj që të mos tentohet për të fotokopjuar listat e Ramës.

Pra jo të fortit të Ramës, të fortin tonë, oligarkun e Ramës të kundërtin e vet. Duhet pak mendimtari nga drejtuesit e qarqeve. Nuhatja e elektoratit në shkallë kombëtare ësghtë pak më e hollë se politikanët ndonjëherë duke patur kontaktet vetëm brenda dhomës së jehohës e humbin këtë nuhajtje pasi duhet kontakt me cdo grup interesi e sidomos ata që nuk dalin të votojnë.