Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Drejtuesit të raportojnë te 'Ligjet'", Çupi: Hije manipulimi për pranimet në Shkollën e Magjistraturës

Politiko 1 Maj 2024, 16:46

"Drejtuesit të raportojnë te 'Ligjet'",

Deputetja e PD, njëherësh nënkryetarja e Komisionit të Ligjeve, Dhurata Çupi thotë se opozita ka dyshime të forta që procesi i pranimit të kandidatëve për gjyqtarë dhe prokurorë në Shkollën e Magjistraturës është manipuluar.

Në një postim në Facebook, ajo shkruan Drejtori dhe Këshilli Drejtues duhet të raportojnë te komisioni i ‘Ligjeve’ për skandalin e provimit te Shkolla e Magjistraturës.

"Anëtarët e opozitës në Komisionin e Ligjeve do të këmbëngulin në kërkesën për transparencë mbi hijet e manipulimit të provimit të pranimit në Shkollën e Magjistraturës. Mazhoranca nuk duhet të pengojë as transparencën dhe as llogaridhënien e institucioneve publike, duke garantuar padyshim parimin e ndarjes dhe balancës mes pushteteve.

Zyrtarisht do të ripërsërisim kërkesën për raportim në Komisionin e Ligjeve të Drejtorit dhe Këshillit Drejtues të Shkollës së Magjistraturës.

Administrimi i rregullt dhe korrekt i provimit për pranimin në Shkollën e Magjistraturës të kandidatëve për gjyqtarë dhe prokurorë është garanci për pavarësinë dhe integritetin e sistemit të drejtësisë në të ardhmen. Kuvendi nuk mund të qëndrojë indiferent ndaj shqetësimit publik të këtyre ditëve, që ngre dyshime serioze mbi procesin dhe rrezikon besueshmërinë e sistemit të drejtësisë për të paktën 30 vitet e ardhshme", shkruan deputetja e opozitës. 

Të fundit