Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Dritan Agolli në SPAK, Vangjeli: Kreu i FSHZH mori 4 projekte kombëtare me kompaninë e tij

Politiko 13 Nëntor 2024, 17:26

Dritan Agolli në SPAK, Vangjeli: Kreu i FSHZH mori 4 projekte

Genta Vangjeli, zëdhënëse e antikorrupsionit në PD ka komentuar thirrjen në SPAK të Kreut të Fondit Shqiptar të Zhvillimit Dritan Agolli një ditë më parë ku u pyet për rreth 2 orë.

Përmes një lidhje “Skype” me studion e MCN , ajo tha se denoncime të PD-së i është bashkuar dhe KLSH-ja e cila ka gjetur shkelje në  në zhvillimin e  procedurave të prokurimit nga FSHZH.

Sipas Vangjelit, shkeljet e gjetura nga KLSH kanë qenë për procesin e rindërtimit.

"Është e vërtetë që PD e ka denoncuar FSHZH dhe Dritan Agollin personalisht për përfitim të fondeve publike për interesa personale dhe familjare. Denoncimeve të PD-së i bashkohet dhe Kontrolli i Lartë i Shtetit që ka gjetur shkelje në zhvillimin e  procedurave të prokurimit nga FSHZH.

Shkeljet kanë qenë për procesin e rindërtimit, ka pasur shkelje dhe të afateve të kontratave dhe njëkohësisht të pagesave të situacioneve të punimeve të ndërtimit të pakryera, por të paguara", tha Vangjeli.   
Më tej Vangjeli sqaroi se Agolli me anë të kompanisë së tij, “Magnum Opus Group”, ka marrë 4 projekte kombëtare afatgjata.

"PD dhe unë kemi denoncuar me fakte të dokumentuara që Agolli i cili ka mbajtur disa detyra, duke nisur nga drejtori i urbanistikës dhe më pas ka qenë administrator i përgjithshëm i Bashkisë Tiranë dhe njëkohësisht anëtar i bordit të UKT dhe gjatë kësaj kohe kur ky institucion zhvillonte një procedurë prokurimi konsulentë, kontrata u fitua dhe u lidh nga kompania në pronësi të Dritan Agollit. Këtu bëhet fjalë për “Magnum Opus Group”, në pronësi 100% të Agollit. Kontrata pati vlerën 78 mln lekë dhe me anë të kësaj kompani Agolli, njëherazi dhe titullar i FSHZH ka impelmentuar të paktën 4 projekte kombëtare afatgjata në cilësinë e konsulentit për këto 4 projekte.

E para është hartimi  i plan-biznesit strategjik të Autoritetit Shtetëror për Informacion Hapësinor , projekti 2018-2030 i Ministrisë së Turizmit, plani kombëtar i veprimit për strategjinë kombëtare për ndryshimet klimatike 2020-2030 dhe plani kombëtar i menaxhimit të sigurt kimikateve i hartuar në vitin 2020-2030.

Agolli në cilësinë e titullarit të FSHZH ka qenë pjesë e organizimit të këtyre projekteve, dhe njëkohësisht impelmentues në cilësinë e konsulentit me anë të“Magnum Opus Group”.

Të fundit