Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Duaje jetën, duaje veten”, LDGSH fushatë intensive sensibilizueze në të gjithë Shqipërinë për kancerin e gjirit

Politiko 30 Tetor 2022, 09:52

“Duaje jetën, duaje veten”, LDGSH fushatë intensive

Përgjatë gjithê muajit tetor, LDGSH ka organizuar aktivitete sensibilizuese për parandalimin e kancerit të gjirit.

Këtë javë fushata u përqëndrua në Durrës, Vlorë, Elbasan, Belsh, Korçë, Pogradec, Librazhd, Tirana 5, Has, Rroskovec etj. Në disa prej tyre, prezent ishte edhe Kryetarja e LDG, znj. Albana Vokshi ku e ka vlerësuar jetike sensibilizimin e çdo gruaje për sëmundjen që po njeh trend në rritje vitet e fundit.

Elbasani dhe Korça renditen në dy vendet e para në shkallë vendi për numrin e lartë të grave të prekura nga kanceri i gjirit.

“Duaje jetën, duaje veten”, LDGSH fushatë intensive

“Në kushtet kur institucionet dhe strukturat shtetërore mungojnë, LDG dhe PD kanë ndërmarrë përgjatë tetorit aktivitete ndërgjegjësuese të shtrira në në çdo skaj të vendit. Kemi takuar këto ditë qindra zonja që nuk kishin asnjë infromacion për nevojën e kontrolleve të vazhdueshme,sepse askush nga strukturat e shëndetësisë nuk i ka kontaktuar. LDG e konsideron shëndetin e grave prioritet dhe ne do të vazhdojmë takimet me gratë në cdo bashki të vensit, pasi shifrat e të prekurave nga kanceri i gjirit janë alarmante. Në Shqipëri preken çdo vit mbi 700 gra, dy gra preken çdo ditë nga kjo sëmundje. Nëse nuk diagnostikohet në kohë,rreth 40% e grave të prekura humbin jetën”, tha Vokshi.

Ajo theksoi se Check up përdoret për të vjedhur, e jo për analiza apo ekzaminime për gratë.

"Vetëm një vajtje në Tiranë për kurim, i kushton një familje mbi 200 mijë lekë. Ku i gjejnë këto para kur Varfëria është ulur këmbëkryq në cdo familje?

Kimioterapia dhe radioterapia nuk kanë stabilitet. Sëmundjet onklogjike nuk mund të presin pa limit, sepse seancat e kimioterapise dhe radioterapise jane te mire percaktuara ne protokollet mjekesore ndaj pjesa më e madhe zhyten në borxhe për të shkuar të privati apo në vende të tjera. Kur një grua nuk është e shëndetshme, familja nuk është e shëndetshme, shoqëria nuk është e shëndetshme. Ndaj cdo grua duhet të ngrejë zërin për të drejrat e saj, në mbrojtje të vetes, në mbrojtje të familjes”!

Vokshi vuri në dukje se për LDG dhe PD, shëndeti i grave vjen i pari ndaj LDG mbetet e angazhuar për ta vijuar fushatën sensibilizuese edhe përtej simbolikës së këtij muaji duke e shtrirë në 365 ditët e vitit.

“Duaje jetën, duaje veten”, LDGSH fushatë intensive