Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Duam më shumë Shqipërinë", studentët i këndojnë Bashës vargjet e Asdrenit, me to ka hapur librin "Misioni im"

Politiko 31 Mars 2021, 13:31

"Duam më shumë Shqipërinë", studentët i

Korça ishte destinacioni i sotëm i kreut të PD-së, Lulzim Basha për fushatën elektorale për zgjedhjet e 25 prillit. Ai u prit nga qindra qytetarët, ndërsa takimin e parë në qytetin juglindor e zhvilloi me një grup studentësh.

Të rinjtë, fillimisht, e përshëndetën Bashën duke kënduar vargjet e poezisë së Asdrenit, "Dua më shumë Shqipërinë". Basha i ka përzgjedhur këto vargje dhe në hapje të librit të tij, "Misioni im", i cili ka dalë së fundmi në treg.

Basha u zotua para të rinjve se me ardhjen e tij në pushtet do të mundësojë anëtarësimin e Shqipërisë në BE.

“Nga fillimi i shtatorit çdo i ri të mësojë pa paguar asnjë lek pesë gjuhë të huaja online. Aspekti i dytë që dua të ndaj sot me ju që po kështu si fillim online dhe më pas përmes një kampusi të kombinuar qeveria ime do të ofrojë 20 trajnime profesionale për rininë shqiptare .

Dëshira për të investuar nuk mjafton nëse mungon kualifikimi. Ne e dimë sëmundjen e këtyre tetë viteve. E dimë pse kemi ngecur. Po të kishim ecur përpara të gjitha këto do të kishin nisur tashmë.

Ky plan që kemi është pjesë e një vizioni për ta çuar Shqipërinë drejt anëtarësimit drejt BE. Askush nuk do ia ulë më kokat studentëve shqiptarë. Askush nuk do t’i trajtojë si skllevër punonjësit. Ka vetëm një garanci, anëtarësimi në BE.

Kam një pyetje për ju, kush do ta bëjë këtë të mundur? Një njeri që 8 vite nuk hodhi asnjë hap drejt Europës. Një njeri që ka harxhuar tetë vite duke më fajësuar mua për dështimet e tij. Ky do na çojë në Europë pas tetë vitesh dështime. Apo dikush që e njeh dhe e ka shkelur shtegun me Evropën. E mbani mend kur ju premtova se do të hiqja vizat. Ja ku jemi sot. Ne e bëmë të mundur të gjithë së bashku i hoqëm vizat për shqiptarë. Edhe futjen e Shqipërisë në NATO. Kini besimi. Ne do ta bëjmë Shqipërinë anëtare të BE. Kështu do të garantojmë ardhjen e investimeve të huaj,” deklaroi Basha gjatë fjalës së tij.

Të fundit