Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

Ditari i Opozitës

"Duhet të ishin hequr taksat"; Basha dhe Ademi, takim me bizneset: Shkodra, një ndër qytetet më të goditura nga pandemia

Politiko 25 Nëntor 2020, 12:58
"Duhet të ishin hequr taksat"; Basha dhe Ademi, takim me
Në foto: Basha dhe Ademi në një takim me bizneset e vogla në Shkodër

Kreu i Partisë Demokratike, Lulzim Basha, i shoqëruar nga kryebashkiakja Voltana Ademi, ka zhvilluar një takim me sipërmarrësit e vegjël në Shkodër.

Gjatë fjalës së tij, Basha u shpreh i keqardhur dhe zhgënjyer që këshilltarët bashkiakë nuk e aprovuan propozimin e Ademit për të hequr taksat mbi biznesin e vogël nën presionin e qeverisë.

“Shpreh keqardhjen e thellë që njerëzit që okupojnë ulëset në Këshillin Bashkiak nuk kanë marrë përgjegjësitë para qytetarëve për ta aprovuar këtë akt të kryebashkiakes, që në fund të fundit kishte vetëm një qëllim, që të ndihmonte biznesin”, tha Basha.

“Ju e dini fare mirë që prej ditëve të para të pandemisë, ky ka qënë një ndër propozimet tona kryesore në planin që kemi paraqitur dhe vënë në dispozicion qeverisë dhe kemi gjykuar se kjo ishte mënyra e drejtë për të vepruar në raport edhe me atë që po bënin vendet e tjera në rajon dhe kudo ne Europë.

Kemi gjykuar se diçka e tillë do të tejkalonte ndasitë politike, se në fund të fundit, ajo që kërkonim dhe kërkojmë është të ndihmohet ekonomia, e cila kishte shtatë vite në krizë dhe pandemia vetëm sa e vështirësoi dhe më shumë një situatë mbijetese të bizneseve.

Sot ka dalë një studim që tregon se 4900 biznese janë mbyllur dhe Shkodra është një ndër qytetet më të goditura. Pra, në këtë kuptim, të paktën vetëm për sa i përket ekonomisë së familjeve shkodrane, të bizneseve të Shkodrës, shpresoja dhe bëra dhe thirrje që të tejkaloheshin ndasitë politike dhe jam shumë i zhgënyer që njerëzit që janë ulur në ato karrige, pavarësisht ndasive që ne i kemi të qarta prej atij procesi të paligjshëm, po në atë moment që ishin aty mund të bënin një vepër të mirë, mund të bashkoheshin rreth propozimit të kryetares së bashkisë së Shkodrës për të hequr detyrimet lokale dhe ta bënin pa asnjë mëdyshje dhe pa u ndikuar nga presioni.

Unë e kuptoj presionin, e di që arsyeja kryesore pse nuk e kanë bërë është sepse shembulli që do të jepte bashkia e Shkodrës do të ishte i vështirë për të mos u ndjekur nga bashkitë e tjera pastaj”, tha ai.

Të fundit