Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Duka: Nëse s’do bënim këto 3 gabime, Ramën do ta kishim mundur duke pirë raki

Politiko 25 Mars 2025, 22:14

Duka: Nëse s’do bënim këto 3 gabime, Ramën do ta

Kryetari i Partisë Agrare Ambientaliste, Agron Duka evidentoi 3 gabimet që sipas tij ka bërë opozita vitet e fundit.

I ftuar në A2 CNN, ai tha se pa këto gabime, Rama do të ishte mundur shumë lehtë. “Nëse ne nuk do të kishim bërë ato 3 gabimet klasike, ndarja territoriale, falja e bashkive dhe dalja nga parlamenti, ne sot duke pirë raki e kishim mundur këtë mazhorancë, pasi kaq shumë zullume ka bërë sa nuk do askush t’i shohë më me sy.

Tani është garë shumë e fortë pasi kemi këto problematika që duhen kohë të rregullohen. Megjithatë, kemi një avantazh pasi kjo mazhorancë u mbyt nga korrupsioni. Pavarësisht se ky mundohet ti trajtojë si suksese të vetat. Kurrë nuk më mbushet mendja që mund të ketë një kryeministër që nuk di se ministrat e tij... nuk mund të ekzistojë, çfarë bëjnë ata. Kur duhet të marrësh një vendim duhet të pyesësh ministrinë dhe pasi këto do të japin aprovimin do të kalojë te kabineti i kryeministrit dhe pastaj në mbledhje qeverie. Si mund të thuash unë nuk dua gjë?!” tha Duka.

Më tej, ai u shpreh i bindur se PS-ja nuk do të arrinte dot të fitojë në Durrës më 11 maj. “Armë kundër atij ka sa të duash, megjithatë ne kemi këto probleme. Nëse këto që them unë nuk janë pozitive sepse duhet me dhënë vrull, por unë kam eksperiencë edhe në sport dhe them se gara do të jetë shumë e fortë. Ai do të ketë shumë problematika. Unë ju garantoj se në Durrës nuk fiton ose barazim ose fiton PD-ja”, tha Duka në Debat nga Alba Alishani”, tha Duka.

Të fundit