Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Duma: Bashës ia dhamë mundësinë, s’ka kredibilitet tek individët. Si i përgjigjet ftesës së Berishës

Politiko 10 Mars 2022, 11:48

Duma: Bashës ia dhamë mundësinë, s’ka kredibilitet

Deputetja Grida Duma ka kërkuar sërish largimin e Lulzim Bashës nga drejtimi i PD-së. E radhitur si një nga besniket e Bashës, ajo kërkoi dorëheqjen e tij pas humbjes së thellë në zgjedhjet e 6 marsit.

Më herët Duma dha dorëheqjen nga funksionet drejtuese në parti. Në një prononcim për gazetarët nga oborri i Kuvendit, deputetja tha se Basha nuk e ka shumicën e partisë pro qëndrimit të tij në krye të PD-së.

Ajo shtoi se shumica e grupit parlamentar ka kërkuar zgjedhje në parti.

"Shumica e grupit të PD ka kërkuar që partia të shkojë drejt zgjedhjeve dhe e mban kreun e partisë edhe pse s'ka shumicën e PD. Nuk më shkon ndërmend të kandidoj tani, dua që të kthehet debati real dhe të dëgjojnë që ka një shpresë.

Besoj se si çdo gjë në jetë ka zhvillime, etapa, një minimum dhe maksimum, tani situata ka shkuar në maksimum dhe PD nuk mund të mbahet kur nuk ka mbështetjen e shumicës”, tha Duma.

Kjo e fundit u shpreh se është koha që të lexohet dëshira e qytetarëve. Ajo tha se Basha nuk ka kredibilitet, duke theksuar nevojën për një fytyrë të besueshme në krye të PD-së.

“Të gjitha vendimet që kemi marrë në momentin që duam ta çojmë PD-në drejt suksesit, i janë dhënë këto mundësi. Tani duhet të lexojmë që njerëzit nuk e kanë me vendimet, por me individët.

Dhe nëse nuk besojnë e nuk kanë kredibilitet tek individët, duhen dëgjuar dhe duhet dhënë fytyra kredibël dhe e besueshme”, tha Duma.

Ajo iu përgjigj negativisht ftesës së ish-liderit Sali Berisha. Ky i fundit më herët i ftoi demokratët që kërkuan largimin e Bashës që t’i bashkohen.

“Unë kam thënë që PD duhet të ecë përpara dhe jo të shkojë mbrapa. Kjo është e qartë për mua”, tha Duma.

Sa i përket krijimit të një grupimi të ri, Duma deklaroi: Në asnjë mënyrë. Ne jemi PD, s’ka lidhje me grupimet.

Të fundit