Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Dy nënkalime poshtë sheshit Skënderbej”, Këlliçi prezanton projektin për reduktimin e trafikut në Tiranë

Politiko 13 Prill 2023, 21:56

“Dy nënkalime poshtë sheshit Skënderbej”,

Belind Këlliçi ka paraqitur projektin për të zgjidhur trafikun e rënduar në kryeqytet, që është një prej problemeve më të mëdha që hasim çdo ditë.

I ftuar në emisionin “Çim Peka Live”, në Syri TV, kandidati i opozitës për Bashkinë e Tiranës shfaqi një hartë, ku tregoi se hapja e dy nënkalimeve poshtë Sheshit Skenderbej, do të reduktonte pothuajse përgjysëm trafikun në Tiranë.

"Dua të tregoj një propozim të dytë që kam për lehtësimin e trafikut në kryeqytet kryesisht në zemër të Tiranës, në unazën e vogël në pjesën që të gjithë qytetarët e vuajnë dhe e përjetojnë, në pjesën që ka të bëjë në fakt me sheshin Skëndërbej. Unë ju premtoj të gjithë qytetarëve të Tiranës sot se kam një projekt që sigurisht e kam konsultuar me urbanistët dhe inxhinierët më të mirë për të çarë nëntokën e sheshit "Skënderbej" në një gjatësi prej 410 metrash në total."

"Pra 200 m shkon vetëm pjesa e sheshit pa e prekur fare parkimin që është nëntokësor, nuk e prek parkimin nëntokësor që është 6000 m2 për të filluar me korsi për të lidhur Bulevardin me Rrugën e St. Trenit, Zogu I, pra makinat që vijnë nga Treni mos të rrotullohen me tre herë në semafor për të dalë në Bulevardin kryesor, por për t'u futur me radhë hyrëse në tunel për të dalë në Bulevardin kryesor."

"Në anën tjetër me 2 korsi të tjera një korsi mbetet e hapur për t'u futur djathtas në Bashkia për në 'Torre Drin' për të vazhduar në "Pazar të Ri" apo në "Rrugën e Dibrës" dhe pjesa tjetër për ta lidhur për ta nxjerrë fare mirë në Bulevard. Lehtëson minimalisht gjysmën e trafikut në këtë zonë", u shpreh Këlliçi.

“Dy nënkalime poshtë sheshit Skënderbej”,

Projekti i Këlliçit

Ndërkohë Këlliçi zbuloi dhe koston e kësaj ndërhyrjeje ku sipas tij kushton 4 deri në 4.5 milionë euro.

Trafiku në Tiranë është stresi dhe një prej shqetësimeve më të mëdha që përjetojnë sot banorët. Përballë analistëve Haxhiu, e Shkullaku, dhe përfaqësuesit të PS, Ervin Bushati, Këlliçi ka mbrojtur dhe shpjeguar edhe një herë projektin që ka për transportin publik falas, dhe përfitimet që i vijnë direkt 200 mijë përdoruesve duke u kursyer atyre deri në 50 mijë lekë në muaj, por po ashtu, duke ndihmuar në zbutjen e trafikut, dhe uljen e ndotjes së ajrit.

Kandidati i Opozitës ka siguruar se fondet janë, dhe Bashkia i ka mundësitë, por sot buxheti abuzohet e shpërdorohet me shpenzime që i shërbejnë kryetarit, por jo qytetarëve.