Flash News

Shembet masivi i mineralit në Klos, merr me vete një fadromë

Plagosja e 5 personave në Laç, gjendet arma e krimit

Vuçiç ndërpret vizitën në SHBA, shtrohet në spital në Serbi

Detaje/ Të shtënat me armë në Laç, emrat e 5 të plagosurve

Të shtëna me armë zjarri në Laç, plagosen 4 persona

Ditari i Opozitës

E bija e të përndjekurit politik: Sot qëndroj me PD për liri dhe drejtësi

Politiko 3 Maj 2025, 20:58

E bija e të përndjekurit politik: Sot qëndroj me PD për liri

Kreu i Partisë Demokratike, Sali Berisha, ka zhvilluar takimin përmbyllës me qytetarët e Vlorës.

Gjatë këtij takimi mori fjalën edhe Eugjenia Shaqiri, vajza e një ish-të burgosuri politik, e cila solli një mesazh të fortë për të gjithë ata që besojnë në vlerat e demokracisë.

Shaqiri u shpreh se mbështet Partinë Demokratike dhe Aleancën për Shqipërinë Madhështore si forca e vetme që mund të ndalë rikthimin e së shkuarës dhe të rikthejë shpresën për të ardhmen.

Fjala e saj:

Unë jam Euxhenia Shaqiri, nënë e një vajze dhe bija e Enver Shaqirit, një burrë që kaloi 25 vite të jetës së tij në burgjet e regjimit komunist, në Burrel dhe Spaç, vetëm sepse kërkonte lirinë dhe të drejtën për të jetuar me dinjitet.

Si shumë të tjerë që iu kundërvunë diktaturës, babai im i dha një mesazh të fortë Shqipërisë: e vërteta dhe liria nuk mund të burgosen përjetësisht. Sot, si vajza e një të burgosuri politik dhe si një qytetare që beson në vlerat e lirisë, qëndroj përkrah Partisë Demokratike në përpjekjen për të çrrënjosur trashëgiminë e errët të së kaluarës, e cila përpiqet të rikthehet përmes frikës, padrejtësisë dhe kapjes së shtetit.

I drejtohem çdo të përndjekuri politik dhe çdo qytetari që beson në demokraci dhe shtetin e së drejtës: në këto ditë vendimtare, le të bashkohemi rreth Aleancës për Shqipërinë Madhështore. Së bashku do të rikthejmë shpresën dhe dinjitetin që Shqipëria ka nevojë.

Çdo votë e hedhur për partitë e vogla është një votë e humbur.

 

Të fundit