Flash News

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

Alarmi i zjarreve në vend, 6 vatra ende aktive, si paraqitet situata deri tani

I dënuar në Zvicër për trafik droge, arrestohet në Qafë Thanë maqedonasi (EMRI)

Temperaturat deri në 40 gradë! Parashikimi i motit për ditën e sotme

Ditari i Opozitës

"E vërteta s’mund të prangoset", tre deputetë të PD takojnë në burg Salianjin

Politiko 14 Tetor 2024, 16:07

"E vërteta s’mund të prangoset", tre deputetë

Tre deputetë demokratë, Zheni Gjergji, Dhurata Çupi dhe Saimir Korreshi kanë zhvilluar një takim sot në burgun e Fierit kolegun e tyre, Ervin Salianjin, i cili është dënuar më një vit burg i akuzuar për kallëzim të rremë.

Lajmi u bë i ditur nga deputetja Gjergji në rrjetet sociale, e cila shkruan se ka mbetur e befasuar nga optimizmi dhe forca që ka konstatuar tek Salianji përgjatë gjithë asaj bisede që ka zhvilluar me të.

Ajo shton se Salianji është reflektimi më i pastër i rikthimit të dënimeve dhe burgosjeve politike. 

REAGIMI I PLOTË:

E vërteta s’mund të prangoset

Sot bashkë me kolegët Dhurata Çupi dhe Saimir Korreshi vizituam në ambjentet e I.E.V.P Fier, kolegun tonë Ervin Salianji!

Kam mbetur e befasuar nga optimizmi dhe forca që kam konstatuar tek Ervini përgjatë gjithë asaj bisede që kemi zhvilluar. Nuk është e lehtë për një djalë të ri, të shkolluar, ambicioz, për një politikan të ri, ta gjej veten në ato rrethana izolimi, por Ervini na dha shumë pozitivitet dhe optimizëm në gjithë bisedën.

Shqipëria po përjeton ditë aspak të mira sa i takon shtetit të së drejtës dhe lirive të individit dhe kolegu Salianji është reflektimi më i pastër i rikthimit të dënimeve dhe burgosjeve politike. Nënkryetari i grupit parlamentar të PD  dhe drejtuesi politik i qarkut të Elbasanit sot është në burg jo se ka vjedhur paratë e taksapaguesve shqiptarë. Salianji sot nuk është në burg se ka përfituar tendera apo se ka të kaluar kriminale. Ervini sot është në burg se guxoi dhe ngriti zërin për vëllain e ish-ministrit të Brendshëm, të dënuar për trafik droge. Heqja e lirisë është nga njëra anë një nga aktet më të rënda që mund t’i shkaktohet një individi, ndërkohë nga ana tjetër sakrifica e Salianjit është dhe duhet të jetë për të gjithë ne kolegët e tij një mesazh i fortë rezistence.

Dua t’i përcjell përshëndetjet më të përzemërta të Ervin Salianjit nga I.E.V.P Fier për të gjithë demokratët.

Të fundit