Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Edmond Spaho largohet nga Komisioni Hetimor për Inceneratorët, vendimi që ka marrë

Politiko 16 Shkurt 2022, 10:45

Edmond Spaho largohet nga Komisioni Hetimor për Inceneratorët, vendimi

Deputeti Edmond Spaho ka deklaruar se do të tërhiqet nga Komisioni Hetimor për Inceneratorët. Në mbledhjen e zhvilluar ditën e sotme ai tha se ky komision nuk do të japë rezultate konkrete.

Spaho tha se ai nuk do të jetë pjesë e asnjë komisioni hetimor në të ardhmen, pa u ndryshuar më parë ligji për funksionimin e tyre.

Deputeti demokrat u shpreh se mazhoranca është në konflikt interesi dhe do ta sabotojë. Gjithashtu shtoi se komisioni është vonuar me hartimin e planit të hetimit për shkak të zvarritjeve qeveri-Kuvend, që sipas Spahos janë të qëllimshme.

“Kam pranuar me besimin se ne do të bëjmë një punë, e cila do të vlejë për të ardhmen. Nga praktika e komisioneve të mëparshme parlamentare, por veçanërisht nga puna e këtij komisioni dhe ndaj qëndrimit të mazhorancës ditën e djeshme, unë shoh që ky komision do të ketë të njëjtin fat si komisionet e tjera hetimore.

Pavarësisht fakteve që do të paraqisni ju këtu, mazhoranca, e cila ndodhet në konflikt të plotë interesi, do të sabotojë. Nëse doni të fillojë puna, gazetari duhet të ishte pyetur sot.

Me mënyrën si u doll stafi i Kuvendit do të thotë që mazhoranca së bashku me Kuvendin janë bërë bashkë për të mos hedhur dritë mbi këtë aferë. Unë të bëhem pjesë e këtij bashkimi për të mbuluar këtë aferë, nuk kam për t’u bërë.

Nga dita e sotme dhe derisa të jem në Kuvend unë nuk do të votojë krijimin e asnjë Komisioni Hetimor derisa të ndryshojë ligji dhe t’u japi kërkuesve të drejtën e shumicës”, tha Spaho.

Të fundit