Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Eksodi” i bebeve/ Xhaferri: Edhe në 1942 lindën më shumë fëmijë se sot!

Politiko 9 Mars 2025, 20:51

“Eksodi” i bebeve/ Xhaferri: Edhe në 1942 lindën më

Kryetari i Forumit Rinor të Partisë Demokratike (FRPD), Besart Xhaferri, ka ngritur alarmin për rënien e lindshmërisë në Shqipëri, duke akuzuar qeverinë e Edi Ramës për mungesën e politikave që mbështesin familjet dhe çiftet e reja. Sipas tij, qeveria jo vetëm që nuk ndihmon prindërit e rinj, por madje i privon edhe nga bonusi i bebes ata që janë larguar jashtë vendit.

Sipas të dhënave të INSTAT, në vitin 2024 në Shqipëri lindën 22,425 foshnja, një rënie prej 5% krahasuar me vitin 2023. Xhaferri thekson se edhe gjatë Luftës së Dytë Botërore lindjet ishin më të larta se sot, duke sjellë në vëmendje vitin 1942, kur në vend erdhën në jetë mbi 36 mijë foshnja, pavarësisht një popullsie më të vogël në moshë riprodhuese.

Reagimi i plotë:

Çdo vend i botës ndjek politika specifike për të rritur natalitetin, teksa Shqipëria nën qeverisjen e Edi Ramës bën të kundërtën, nxit eksod masiv dhe madje të rinjtë që ikin në emigrim i privon edhe nga bonusi i bebes, teksa për ata që kanë fëmijë në Shqipëri qeveria nuk ofron absolutisht asnjë ndihmë financiare, siç bëjnë vendet e rajonit dhe të Evropës.

Në vitin 2024 sipas INSTAT në vendin tonë lindën 22,425 foshnja ose 5% më pak se në vitin 2023,, teksa edhe në Luftën e Dytë Botërore, në Shqipëri kanë lindur më shumë se sa sot, ku konkretisht në vitin 1942 lindën mbi 36 mijë foshnja në një kohë kur numri i grave në moshë riprodhimi ishte më i ulët se sot.

Në Tiranë popullsia ndërmjet dy censeve 2011 dhe 2023 është rritur me 7.3%, por nga ana tjetër, numri i lindjeve ka pësuar rënie me 11%. Ulja më e madhe ka ndodhur në pesë vitet e fundit.

Statistikat dëshmojnë se të rinjtë shqiptar në emigracion po lindin më shumë fëmijë se bashkëmoshatarët e tyre në Shqipëri, pasi agjendat SOROS që kanë pushtuar vendin tonë përmes Edi Ramës janë armiqtë më të egër të familjes dhe të ardhmes së këtij kombi.

Këtu dhe tek kreditë e buta, komuniteti LGBTQI ka më shumë prioritet se çiftet e reja, teksa kostot për të rritjen e një fëmije kanë shkuar në nivele ekstreme në raport me të ardhurat.

Çmimet e ushqimeve për fëmijë dhe medikamenteve janë ndër më të lartat në Evropë, teksa pastrimi i parave në ndërtim i ka ekspozuar çiftet e reja përballë qirave të larta dhe pamundësisë për të blerë një pronë.

Në 11 Maj shqiptarët do votojnë Partinë Demokratike që kryefjalë të programit të saj ekonomik ka familjen dhe çiftet e reja si e vetmja garanci për prosperitet dhe zhvillim.

Ky sekt i rrezikshëm jo vetëm duhet ndëshkuar me votë, por duhet të përgjigjet edhe para drejtësisë për çdo vjedhje dhe krim të kryer.