Emri i vetëm i 11 majit është: Terrorizëm elektoral

Nga Petrit Vasili/

Asnjë interpretim mediatik i akaparuar nga qeveria, i çfardo lloji qoftë, televiziv apo përmes rrjeteve sociale e analistëve sharlatanë nuk mbulon apo justifikon dot në asnjë mënyrë 11 majin.

Emri i vetëm i 11 majit është terrorizem elektoral.

Votime ku në kuti dilnin rezultate me 98%-100%- 120% në favor të qeverisë janë provë e një grabitje elektorale të shfrenuar të dalë duarsh ku çdo lloji idioti rilindas vjedh vota si i marrë.

Rezultatet tragjikomike të diaspores ishin prove e një terrorizmi elektoral të shfrenuar qe arrin deri aty sa të diskreditojë krye krejt edhe veten e tij.

Ushtria e patronazhistëve, që mësyu qendrat e votimit, duke patrulluar çdo vend votimi, ishte demostrimi i një shfrenimi mafioz, në funksion të histerisë së mbajtjes së pushtetit pa u kujdesur se po dilnin hapur përpara njerëzve.

Miliona euro të taksave, që u perdorën nga partia në pushtet sikur të ishin fonde partie dhe jo djersa e shqiptarëve ishin prova se terrorizmi elektoral nuk ndalet përpara asgjëje.

Votat u shitblenë dhe u vodhën aq hapur e pa asnjë skrupull nga qeveria, aq sa më në fund shpërtheu edhe vjedhja e votave të njeri - tjetrit duke u berë gazi i botës.

Vend numërimet e votave u bënë si pazari i gjesë së gjallë ku çdo lloj banditi mund të hynte, të godiste e bënte presion duke i shndërruar në vatra talebaneske, që s'kanë asnjë lidhje me zgjedhjet dhe demokracinë.

Asnjë ndëshkim nga KQZ përballë këtyre dhunimeve të Kodit Zgjedhor, që kulmuan me faljen e gjobave prej 200 milionë euro tre ditë përpara zgjedhjeve.

Asnjë ndëshkim nga policia, që u fut nën shalët e kriminelëve dhe banditëve duke u bërë shërbëtor i tyre dhe jo goditësi i tyre.

Asnjë ndëshkim nga Task Forca e drejtësisë, që faktet nuk kishte nevojë as që ti kërkonte sepse konsumoheshin live në Tv.

Raportet e ndërkombëtarëve për 11 majin ishin më të zezat, që zgjedhjet pluraliste kanë parë ndonjëherë në Shqipëri dhe u vulos e zeza në të bardhë, që zgjedhjet ishin të pabarabarta sepse qeveria perdori të gjithë pushtetin, buxhetin, administratën, infrastrukturën, shkollat, spitalet, qëndrat shëndetësore, zyrat, logjistikën shtetërore e policinë dhe i rrembeu e grabiti në mënyrë talebaneske zgjedhjet.

Shqipëria është nën presionin agresiv të terroriznit elektoral.

Shqiptarët nuk votojnë dot të qetë dhe të lirë sepse binomi mafia - pushtet ka shkatërruar zgjedhjet.

Ky është funerali i demokracisë.

Faktet ulërasin dhe janë me mijra.

Asnjë alibi qeveritare apo mediatike e paguar nga qeveria nuk e ndryshon dot këtë.

Përballë terrorizmit elektoral duhet vendosur vetëm revolucioni i njerëzve të lirë, rrugë tjetër nuk ka.